കണ്ണൂര്: സ്ത്രീകള്ക്കും കുട്ടികള്ക്കും രാപ്പകല് ഭയരഹിതമായ ജീവിത സാഹചര്യങ്ങള് ഉറപ്പാക്കണമെന്ന് അഖിലേന്ത്യ സമാധാന ഐക്യദാര്ഢ്യസമിതി ജില്ലാ കമ്മറ്റി ആവശ്യപ്പെട്ടു. സ്ത്രീകള്ക്കെതിരെയുള്ള കയ്യേറ്റങ്ങളും ലൈംഗിക അതിക്രമങ്ങളും മാനവികതയ്ക്കുമേലുള്ള കടന്നുകയറ്റമെന്ന് വ്യക്തമാക്കി ജനകീയ ബോധവല്ക്കണ പരിപാടികള് സംഘടിപ്പിക്കാന് തീരുമാനിച്ചു. പുരോഗമനപരവും ആധുനികവുമായ രാത്രിയില് സ്ത്രീപുരുഷ ബന്ധങ്ങളെ മാറ്റേണ്ടതിന്റെ ആവശ്യകത ചൂണ്ടിക്കാട്ടിയും കൂടുതല് തുറന്ന അന്തരീക്ഷവും തുറന്ന ബന്ധങ്ങളും വളര്ത്തിയെടുക്കുകയും ചെയ്യുന്ന ആശയങ്ങള്ക്ക് ഊന്നല് നല്കുകയും പ്രചരിപ്പിക്കുകയും ചെയ്യും. വൈസ് പ്രസിഡണ്ട് ജി.ഡി.നായര് അധ്യക്ഷത വഹിച്ചു. ജനറല് സെക്രട്ടറി എം.മോഹനന് റിപ്പോര്ട്ട് അവതരിപ്പിച്ചു. പി.ചന്ദ്രന്, ഡോ.പി.കെ.ഗംഗാധരന് നായര്, ടി.വി.രാഘവന്, എന്.ഇ.ഭാസ്കരന്, എം.ബാലന്, കെ.പി.ജാനാര്ദ്ദനന്, പി.വി.അരവിന്ദാക്ഷന്, പി.മമ്മൂട്ടി, ഒ.എം.ദിവാകരന്, കെ.വി.ഗോപി, എ.ആര്.സി.നായര്, എന്.സി.മുഹമ്മദ് സാജിദ്, പി.ജി.ശശീന്ദ്രന് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: