അമ്പലപ്പുഴ: ആര്എസ്എസ് പ്രഥമ വര്ഷ സംഘ ശിക്ഷാവര്ഗ്ഗ് അമ്പലപ്പുഴയില്. ഏപ്രില് പതിനേഴു മുതല് മെയ് എട്ടു വരെ അമ്പലപ്പുഴ മറിയാ മോണ്ടിസ്സോറി സ്കൂളിലാണ് ക്യാമ്പ്. ഇതിനായുള്ള സ്വാഗതസംഘം രൂപീകരിച്ചു.
ആര്എസ്എസ് ക്ഷേത്രിയ സമ്പര്ക്ക പ്രമുഖ് ഏ.ആര്. മോഹനന് ഉത്ഘാടനം ചെയ്തു. ലോകത്തിന്റെ ഗുരുസ്ഥാനത്ത് ഭാരതത്തെ എത്തിക്കാന് സംഘം പ്രവര്ത്തിക്കുന്നത്. ഇവിടെ നേതാക്കള്ക്കല്ല രാഷ്ട്രത്തിനാണ് പ്രാധാന്യം. ധര്മ്മം പുനഃസ്ഥാപിക്കാന് ഭഗവാന് വിവിധ രൂപങ്ങളിലാണ് ഭാരതത്തില് അവതരിച്ചിട്ടുള്ളത്. ഡോക്ടര്ജിയിലൂടെ സംഘത്തിന്റെ രൂപത്തിലും ഭഗവാന് അവതരിച്ചു എന്നതാണ് രാഷ്ട്രത്തിന്റെ മുന്നേറ്റത്തില് നാം മനസിലാക്കേണ്ടതെന്നും എ.ആര്. മോഹനന് പറഞ്ഞു. ജില്ലാ സംഘചാലക് ഡോ. അമ്പലപ്പുഴ ഗോപകുമാര് അദ്ധ്യക്ഷത വഹിച്ചു.
ഭാരവാഹികളായി പുതുമന ശ്രീധരന് നമ്പൂതിരി, പരമേശ്വരന് നമ്പൂതിരി, തുറവൂര് സുരേഷ്, ഡോ. ആര്.വി. നായര്, കേണല്റാം മോഹന്, കളത്തില് ചന്ദ്രശേഖരന് നായര്, എന്. കൃഷ്ണപൈ (രക്ഷാധികാരികള്), ഡോ. അമ്പലപ്പുഴ ഗോപകുമാര് (ചെയര്മാന്), എസ്. ജയകൃഷ്ണന് (ജനറല് കണ്വീനര്) എന്നിവര് ഉള്പ്പെടെ 251 അംഗസമിതിയെ തെരഞ്ഞെടുത്തു. പ്രാന്തിയ സഹശാരീരിക് ശിക്ഷണ് പ്രമുഖ് റ്റി.എസ്. അജയകുമാര് ,വിഭാഗ്പ്രചാരക് കെ. പ്രശാന്ത്, വിഭാഗ് സഹസംഘചാലക് വി.എന്. രാമചന്ദ്രന്, വിഭാഗ് കാര്യവാഹ് ഒ.കെ. അനില് തുടങ്ങിയവര് പങ്കെടുത്തു. വിഭാഗ് കാര്യകാരി സദസ്യരായ എം.ആര്. പ്രസാദ് സ്വാഗതവും എസ്. ജയകൃഷ്ണന് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: