തിരുവനന്തപുരം: വൈകുണ്ഠസ്വാമി ധര്മ്മ പ്രചരണ സഭയുടെ ആഭിമുഖ്യത്തില് പ്രിയദര്ശിനി ഓഡിറ്റോറിയത്തില് നടന്ന 208-ാം വൈകുണ്ഠസ്വാമി ജയന്തി ആഘോഷവും കേരളാ കാമരാജ് കോണ്ഗ്രസിന്റെ ഒന്നാം വാര്ഷികവും മന്ത്രി കടകംപള്ളി സുരേന്ദ്രന് ഉദ്ഘാടനം ചെയ്തു. സമൂഹത്തില് നിലനിന്ന അന്ധവിശ്വാസങ്ങള്ക്കെതിരെ വൈകുണ്ഠസ്വാമി നടത്തിയ പോരാട്ടം രാജറാം മോഹന് റായിയുടെ ബ്രഹ്മ സമാജത്തിനു സമാനമാണെന്ന് അദ്ദേഹം പറഞ്ഞു. അതിനായി അദ്ദേഹം 1837-ല് സമത്വ സമാജം സ്ഥാപിച്ച് ഉച്ച നീചത്വങ്ങള്ക്കെതിരെ പോരാടി. വൈകുണ്ഠസ്വാമിയുടെ ജീവിതം പാഠ്യവിഷയമാക്കേണ്ടതാണെന്നും അദ്ദേഹം പറഞ്ഞു. വിഎസ് ഡിപി ചെയര്മാന് വിഷ്ണുപുരം ചന്ദ്രശേഖരന് അദ്ധ്യക്ഷത വഹിച്ച ചടങ്ങില് കാമരാജ് കേണ്ഗ്രസ് സംസ്ഥാന വൈസ് പ്രസിഡന്റ് നെല്ലിമൂട് ശ്രീധരന്, വിഎസ്ഡിപി സംസ്ഥാന ജനറല് സെക്രട്ടറി എം.പി. മോഹന് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: