ആലപ്പുഴ: ബിജെപി ആലപ്പുഴ നിയോജക മണ്ഡലം കമ്മറ്റിയുടെ പാതിരപ്പള്ളിയിലെ ഓഫിസ് സിപി എമ്മുകാര് കല്ലെറിഞ്ഞു തകര്ത്തു. അക്രമത്തില് ജനല് ചില്ലുകള് തകര്ന്നു. ഞായറാഴ്ച രാത്രിയാണ് അക്രമം നടന്നത്. സംഭവത്തില് പ്രതിഷേധിച്ച് ബിജെ പി മണ്ഡലം കമ്മറ്റിയുടെ നേതൃത്വത്തില് പ്രകടനം നടത്തി. മണ്ഡലം പ്രസിഡന്റ് ജി. വിനോദ് കുമാര് ഉത്ഘാടനം ചെയ്തു.
ബിജെപിയുടെ ദേശീയ തലത്തിലെ വിജയവും, പാതിരപ്പള്ളി ഉള്പ്പെടെ ആലപ്പുഴ നിയോജക മണ്ഡലത്തില് എല്ലായിടത്തും നിന്നും പുതുതായി ആളുകള് ബിജെപിയിലേക്ക് എത്തുന്നതും കണ്ടു സിപിഎം വിളറി പിടിച്ചിരിക്കുകയാണെന്നും അതിന്റെ അവസാന സൂചനകളാണ് ഈ കാണിക്കുന്നതെന്നും അദ്ദേഹം പറഞ്ഞു.
ജനറല് സെക്രട്ടറിമാരായ രഞ്ചന് പൊന്നാട്, രജികുമാര്, വൈസ് പ്രസിഡന്റുമാരായ ജി. മോഹനന്, കെ.ജി. പ്രകാശ്, സെക്രട്ടറി കെ.പി. സുരേഷ് കുമാര്, ജ്യോതി രാജീവ്, മോര്ച്ച ഭാരവാഹികളായ ഉമേഷ് സേനാനി, പി.കെ. ഉണ്ണികൃഷ്ണന്, വരുണ്, ബിന്ദു വിലാസന്, ഏരിയ പ്രസിഡന്റുമാരായ അനില്കുമാര് ഒ.സി., സജി പി. ദാസ്, മുരളീധരന് പിള്ള, റാം സുന്ദര്, സി. പ്രസാദ്, സി. ഷാജി, സുന്ദരേശന്, സനീഷ്, സി.പി. മോഹനന് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: