വാഷിംഗ്ടണ്: ഡൊണാള്ഡ് ട്രംപിന്റെ ഭരണത്തില് ഇന്ത്യക്കാര് ഭയപ്പെടേണ്ടതില്ലെന്ന് അമേരിക്കയിലെ റിപ്പബ്ലിക്കന് ഹിന്ദു പാര്ട്ടി(RHC) നേതാവും ട്രംപിന്റെ തെരഞ്ഞെടുപ്പ് പ്രചരണത്തിന്റെ മുഖ്യ പ്രയോക്താവുമായിരുന്ന ശലഭ് ശല്ലി കുമാര് പറഞ്ഞു. ഇന്ത്യക്കാര്ക്കെതിരെ അമേരിക്കയില് അടിക്കടിയുണ്ടാകുന്ന ആക്രമണങ്ങളെ ട്രംപ് ഗൗരവപൂര്വമാണ് കാണുന്നത്. ആക്രമണങ്ങളുടെ പശ്ചാത്തലത്തിലും ഇന്ത്യയുമായുളള ബന്ധം നല്ല രീതിയില് കൊണ്ടു പോകാനുളള ശ്രമങ്ങളാണ് ട്രംപ് നടത്തുന്നതെന്നും ശലഭ് കുമാര്.
‘ഇന്തോ- അമേരിക്കക്കാര്ക്കിടയില് ഇപ്പോഴുണ്ടായിരിക്കുന്ന സംഘര്ഷങ്ങള് ട്രംപിനെ ലക്ഷ്യമാക്കിയുളളതാണ്. മാധ്യമങ്ങളുമായി ചേര്ന്നുളള വലതു പക്ഷത്തിന്റെ സംഘടിത പ്രവര്ത്തനത്തിന്റെ ഫലമാണിത്’- ശലഭ് കുമാര് കൂട്ടിച്ചേര്ത്തു. ആരോപണങ്ങള് പലതും ഊതിപ്പെരുപ്പിച്ചതാണ്. ട്രംപ് ഭരണത്തില് അമേരിക്കന് സമ്പദ് വ്യവസ്ഥയ്ക്ക് ദ്രുതഗതിയിലുളള വളര്ച്ചയാണുണ്ടാകാന് പോകുന്നതെന്നും ട്രംപ് തരംഗത്തിന്റെ ഗുണഫലങ്ങള് ഇന്ത്യക്കാര് അറിയാന് പോകുന്നതേയുളളു എന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: