കുമളി: എസ്റ്റേറ്റ് മേഖലയില് കഞ്ചാവ് ചില്ലറ വില്പ്പന നടത്തി വന്നിരുന്നയാള് കാല്കിലോ കഞ്ചാവുമായി കുമളി എക്സൈസിന്റെ പിടിയിലായി. മുരിക്കടി പാറമട സ്വദേശി അണ്ണാദൊരൈ (64) ആണ് പിടിയിലായത്.
തമിഴ്നാട് ഗൂഡല്ലൂരില് നിന്നും കഞ്ചാവ് വാങ്ങി മടങ്ങി വരുന്ന വഴിയാണ് പ്രതി പിടിയിലാവുന്നത്. എക്സൈസ് ഇന്സ്പെക്ടര് ഇ പി സിബി, സിവില് എക്സൈസ് ഓഫീസര്മാരായ ജിജി കെ ഗോപാല്, ബിനീഷ്കുമാര് പി എസ്, സുനില്കുമാര് പി ആര്, പ്രിവന്റീവ് ഓഫീസര് വി വിപിന്കുമാര് എന്നിവര് ചേര്ന്നാണ് കേസ് പിടികൂടിയത്. പ്രതിയെ പീരുമേട് കോടതിയില് ഹാജരാക്കി റിമാന്ഡ് ചെയ്തു.
പ്രതികരിക്കാൻ ഇവിടെ എഴുതുക: