കോട്ടയം: കുടിവെള്ള പ്രശ്നം രൂക്ഷമായ നാട്ടകം പ്രദേശത്ത് ജനങ്ങള്ക്ക് കുടിവെള്ളം നല്കുന്നതില്നിന്നും ബന്ധപ്പെട്ടവര് ഒഴിഞ്ഞുമാറുന്നത് സാമൂഹ്യനീതിയുടെ നിഷേധമാണെന്ന് ബിജെപി ജില്ലാ പ്രസിഡന്റ് എന്.ഹരി പറഞ്ഞു. ജലവിഭവ വകുപ്പ് കേന്ദ്രത്തിലേക്ക് ബിജെപി ഇന്നലെ വാര്ഡ് കൗണ്സിലറുടെ നേതൃത്വത്തില് നടത്തിയ ധര്ണ്ണ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. കഴിഞ്ഞ് രണ്ടുവര്ഷത്തിലധികമായി ഈ പ്രദേശത്ത് വാട്ടര് അതോറിറ്റി ജലവിതരണം നടത്താറില്ല. റോഡ് നിര്മ്മാണവുമായി ബന്ധപ്പെട്ട് കെഎസ്ടിപി ജലവിതരണക്കുഴലുകള് വ്യാപകമായി നശിപ്പിച്ചിരുന്നു. ഇതു പിന്നീട് നന്നാക്കുന്നതിനോ പുന: സ്ഥാപിക്കുന്നതിനോ ഇവര് തയ്യാറായതുമില്ല. ഇക്കാര്യങ്ങള് ചൂണ്ടിക്കാട്ടി വാട്ടര് അതോറിറ്റിയെ സമീപിക്കുമ്പോള് അവര് കെഎസ്ടിപിയെ പഴിചാരി രക്ഷപെടുവാനാണ് ശ്രമിക്കുന്നത്. കുടിവെള്ളത്തിനായി ഈ പ്രദേശത്തെ ജനങ്ങള് നെട്ടോട്ടമോടുമ്പോഴും ഉദ്യോഗസ്ഥരുടെ നിസംഗത തുടരുകയാണ്. മാത്രമല്ല ഉപയോഗിക്കാത്ത വെള്ളത്തിന് ഭീമമായ തുക നികുതി അടയ്ക്കേണ്ട ഗതികേടിലുമാണ് നാട്ടുകാര്. ഇത് സാമൂഹ്യനീതിയുടെ നിഷേധമാണെന്നും ഇതിനെതിരെ ബഹുജനങ്ങളെ സംഘടിപ്പിച്ച് വന്പ്രക്ഷോഭ പരിപാടികള്ക്ക് ബിജെപി നേതൃത്വം നല്കുമെന്നും അദ്ദേഹം പറഞ്ഞു.
വാര്ഡ് കൗണ്സിലര് കെ.ശങ്കരന് അദ്ധ്യക്ഷത വഹിച്ചു. ജില്ലാ സെക്രട്ടറി സി.എന്.സുഭാഷ്, ന്യൂനപക്ഷ മോര്ച്ച ജില്ലാ സെക്രട്ടറി നാസര് റാവുത്തര്, ടി.കെ.തുളസീദാസന്, രാജേഷ് നമ്പിമഠം, ടി.കെ.തങ്കച്ചന് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: