കോഴിക്കോട്: മാനാഞ്ചിറ – വെള്ളിമാടുകുന്ന് റോഡ് വികസനത്തിനായി കടകള് ഒഴിഞ്ഞുകൊടുത്ത കച്ചവടക്കാര്ക്കും തൊഴിലാളികള്ക്കും ഉടന് നഷ്ടപരിഹാരം നല്കണമെന്നാവശ്യപ്പെട്ട് മാനാഞ്ചിറ – വെള്ളിമാടുകുന്ന് റോഡ് വികസന പീഡിത കൂട്ടായ്മയുടെ നേതൃത്വത്തില് കലക്ട്രേറ്റ് മാര്ച്ച് നടത്തി.
മരണപ്പെട്ട വ്യാപാരികളായ ശിവരാമന്, ശശിധരന് എന്നിവരുടെ ഫോട്ടോയും വഹിച്ചായിരുന്നു പ്രതിഷേധ സ്മൃതിയാത്ര എന്ന പേരില് സംഘടിപ്പിച്ച മാര്ച്ച് നടത്തിയത്. നടക്കാവ് ഗവ. യുപിസ്കൂള് പരിസരത്ത് നിന്ന് ആരംഭിച്ച മാര്ച്ച് സംസ്ഥാന ഉപഭോക്തൃവേദി സംസ്ഥാന പ്രസിഡന്റ് വത്സന് നെല്ലിക്കോട് ഉദ്ഘാടനം ചെയ്തു.
സമാപന സമ്മേളനം വ്യാ പാരി വ്യവസായി ഏകോപനസമിതി സിറ്റി കമ്മിറ്റി വൈസ് പ്രസിഡന്റ് ഷാഹുല് ഹമീദ് ഉദ്ഘാടനം ചെയ്തു. കൂട്ടായ്മ പ്രസിഡന്റ് ഹനീഷ് പതിയേരി അദ്ധ്യക്ഷത വഹിച്ചു. വ്യാപാരി വ്യവസായി ഏകോപനസമിതി നടക്കാവ് മണ്ഡലം പ്രസിഡന്റ് പ്രേമരാജന്, കേരള ഓട്ടോമൊബൈല് അസോസിയേഷന് ജില്ലാ പ്രസിഡന്റ് പ്രസാദ്, പ്രശോഭ് ചേറോട്ട്, പ്രവീണ് ജറാള്ഡ് എന്നിവര് സംസാരിച്ചു.
പ്രതികരിക്കാൻ ഇവിടെ എഴുതുക: