വാഴൂര്: വാഴൂര് ബ്ലോക്ക് പരിധിയില് പ്രവര്ത്തിക്കുന്ന കൃഷി-അനുബന്ധ വകുപ്പുകളുടെ കൂട്ടായ്മയായി സാരംഗ് എന്ന പേരില് സംഘടന രൂപീകരിച്ചു. കൃഷി വകുപ്പ് വാഴൂര് ബ്ലോക്ക് പഞ്ചായത്ത് എന്നിവയുടെ മേല്നോട്ടത്തിലാകും പ്രവര്ത്തനങ്ങള്. കാര്ഷിക പഠനപരിപാടികള് സംഘടിപ്പിക്കുക.
ഉത്പാദന ഉപാധികം ശരിയാംവിധം എത്തിക്കുക. വിപണന സംവിധാനത്തിന് മേല്നോട്ടം വഹിക്കുക എന്നിവയാണ് പ്രധാനമായും ലക്ഷ്യമിടുന്നത്. വാഴൂര് ബ്ലോക്ക് പഞ്ചായത്ത് പ്രസിഡന്റ് കെ.പി. ബാലഗോപാലന് നായര് രക്ഷാധികാരിയായും വാഴൂര് കൃഷി അസിസ്റ്റന്റ് ഡയറക്ടര് കണ്വീനറായും പ്രവര്ത്തിക്കും. കെ.എസ്.വിജയകുമാര്(ചെയര്മാന്),പി.എം.ജോണ് പന്തിരുവേലില് (ജനറല് സെക്രട്ടറി),വി.എസ്.സിദ്ദിഖ് ദാറുല്മുനീറ (ട്രഷറര്) എന്നിവരുടെ നേതൃത്വത്തിലുള്ള കര്ഷകരുടെ ഭരണസമിതിയാണ് പ്രവര്ത്തനങ്ങള് ഏകോപിപ്പിക്കുന്നത്.
സാരംഗിന്റെ ആഭിമുഖ്യത്തില് നാടന് പച്ചക്കറികള്, ഇതര പ്രാദേശിക കാര്ഷിക ഉത്പന്നങ്ങള്, ഉത്പാദന ഉപാധികള് എന്നിവയുടെ വിപണനകേന്ദ്രം നേരങ്ങാടി ഔട്ട്ലെറ്റ് പുളിക്കല് കവലയില് വാഴൂര് ഫാര്മേഴ്സ് സഹകരണബാങ്ക് മന്ദിരത്തില് പ്രവര്ത്തനമാരംഭിക്കും.കാര്ഷിക വിജ്ഞാന വ്യാപന വിഭാഗവും ഒപ്പം പ്രവര്ത്തിക്കും.വാഴൂര് ബ്ലോക്ക് പഞ്ചായത്തിന്റെ കര്ഷകപക്ഷ വിപണികളുടെ പൂര്ത്തീകരണ പ്രഖ്യാപനത്തിനെത്തുന്ന കൃഷി വകുപ്പ് മന്ത്രി അഡ്വ.വി.എസ്.സുനില്കുമാര് 21ന് 02ന് സാരംഗിന്റെ ഔപചാരിക ഉദ്ഘാടനം നിര്വ്വഹിക്കും.
പ്രതികരിക്കാൻ ഇവിടെ എഴുതുക: