കോഴിക്കോട്: കൊടുവള്ളിയില് 30 ലക്ഷത്തിന്റെ അസാധു നോട്ടുകള് പോലീസ് പിടികൂടി. 500, 1000 രൂപ നോട്ടുകളുടെ കെട്ടുകളാണ് പിടിച്ചെടുത്തത്.
സംഭവവുമായി ബന്ധപ്പെട്ട് കോഴിക്കോട് ഫറൂഖ് സ്വദേശി റിയാസ് (42), ചാലിയം സ്വദേശി മുഹമ്മദ് അസ്ലം (29), നടുവട്ടം സ്വദേശി അജിത് കെ.ടി. (29) എന്നിവരാണ് പിടിയിലായത്. ഡിവൈഎസ്പിയുടെ നേതൃത്വത്തിലുള്ള പ്രത്യേക സംഘത്തിന് ലഭിച്ച രഹസ്യ വിവരത്തെ തുടര്ന്ന് നടത്തിയ പരിശോധനയിലാണ് നോട്ടുകള് പിടികൂടിയത്.
അസാധു നോട്ടുകള് കൈയില് സൂക്ഷിക്കുന്നത് ക്രിമിനല് കുറ്റമായി കേന്ദ്രസര്ക്കാര് നിയമം ഭേദഗതി ചെയ്തിരുന്നു. ഇത് ലംഘിക്കുന്നവര്ക്ക് നാല് വര്ഷം വരെ തടവും പിഴയും ശിക്ഷയായി ലഭിക്കും.
പ്രതികരിക്കാൻ ഇവിടെ എഴുതുക: