കണ്ണൂര്: പ്ലാസ്റ്റിക് സഞ്ചികള്ക്കെതിരെ നടക്കുന്ന ബോധവത്കരണ പ്രവര്ത്തനങ്ങളുടെ ഭാഗമായി ജില്ലയിലെ തുണിസഞ്ചി നിര്മാണ സംരംഭകരെ പങ്കെടുപ്പിച്ച് സംഘടിപ്പിക്കുന്ന തുണിസഞ്ചി വില്പ്പന-പ്രദര്ശന മേള 20 ന് രാവിലെ 10 മണിക്ക് ടൗണ്സ്ക്വയറില് ജില്ലാപഞ്ചായത്ത് പ്രസിഡന്റ് കെ.വി.സുമേഷ് ഉദ്ഘാടനം ചെയ്യും. ജില്ലാകലക്ടര് മിര് മുഹമ്മദ് അലി ചടങ്ങില് മുഖ്യാതിഥിയാവും.
കുടുംബശ്രീയുടെ നേതൃത്വത്തില് ജില്ലാപഞ്ചായത്തിന്റെയും ജില്ലാഭരണകൂടത്തിന്റെയും സഹകരണത്തോടെ നടക്കുന്ന മേളയില് ഒമ്പത് അപ്പാരല് പാര്ക്കുകളും 200 ഓളം കുടുംബശ്രീ വ്യക്തിഗത ഗ്രൂപ്പ് തയ്യല് യൂണിറ്റുകളും പങ്കെടുക്കും. കൂടാതെ തുണിസഞ്ചി നിര്മാണ മേഖലയിലെ സ്ഥാപനങ്ങളുടെയും വ്യക്തികളുടെയും ഉല്പ്പന്നങ്ങളും മേളയിലുണ്ടാകും. മൂന്ന് ദിവസങ്ങളിലായി രാവിലെ 10 മണി മുതല് 5 മണി നടക്കുന്ന മേള 22 ന് വൈകീട്ട് സമാപിക്കും. ഉല്പ്പന്നങ്ങള് പരിചയപ്പെടുന്നതിനൊപ്പം വാങ്ങാനും ആവശ്യമുള്ള ഇനം ഉല്പ്പന്നങ്ങള്ക്ക് ഓര്ഡര് നല്കാനും മേളയില് സൗകര്യമൊരുക്കും.
പ്രതികരിക്കാൻ ഇവിടെ എഴുതുക: