കറുകച്ചാല്: ചങ്ങനാശ്ശേരി-വാഴൂര് റോഡില് കറുകച്ചാല് അണിയറപ്പടിയിലെ തോട്ടില് മാലിന്യം തള്ളുന്നു. ഇതുമൂലം തൊട്ടടുത്തുള്ള കുടിവെള്ള കിണറുകള് മലിനമാകുന്നു. പ്രദേശത്തെ ഹോട്ടലുകളിലേയും കോഴിക്കടകളിലേയും മാലിന്യമാണ് ഈ തോട്ടില് നിക്ഷേപിക്കുന്നത്. മാലിന്യം ചാക്കില് കെട്ടി രാത്രികാലങ്ങളില് വാഹനത്തിലെത്തിയാണ് തോട്ടില് തള്ളുന്നത്. വെള്ളമൊഴുക്ക് കുറവായതിനാല് അറവു മാലിന്യങ്ങള് കാക്കകളും മറ്റും കിണറുകളില് ഇടുന്നതായും പരാതിയുണ്ട്. മാലിന്യം തള്ളുന്നവര്ക്കെതിരെ നടപടിയുണ്ടാകണമെന്നാണ് നാട്ടുകാരുടെ ആവശ്യം.
പ്രതികരിക്കാൻ ഇവിടെ എഴുതുക: