കൊല്ലം: രാഷ്ട്രീയസംഘര്ഷങ്ങളുടെ പശ്ചാത്തലത്തില് രാത്രികാല പ്രകടനങ്ങള്ക്ക് വിലക്കേര്പ്പെടുത്താനൊരുങ്ങി പോലീസ്. വൈകിട്ട് ഏഴുമണിക്ക് ശേഷം നടക്കുന്ന പ്രകടനങ്ങള്ക്കാണ് വിലക്ക് ഏര്പ്പെടുത്തുന്നത്. പൊതുയോഗങ്ങള് നടത്തുന്നതിന് തടസമില്ല. രാഷ്ട്രീയ സംഘര്ഷങ്ങളുള്ള പ്രദേശങ്ങളില് പൊതുയോഗങ്ങള്ക്കും വിലക്കുണ്ട്. പൊതുയോഗങ്ങള്, പ്രകടനങ്ങള് എന്നിവ നടത്തുന്നതിന് മുമ്പ് അതിന് നേതൃത്വം നല്കുന്ന സംഘടനകളിലെ നേതാക്കള്ക്ക് നോട്ടീസ് നല്കും. നോട്ടീസ് പ്രകാരം പ്രകടനത്തിനും പൊതുയോഗങ്ങള്ക്കും ഇടയില് സംഘര്ഷം ഉണ്ടായാല് അതിന് ഉത്തരവാദി അതാത് സംഘടനകളിലെ നേതാവായിരിക്കും. ഈ നേതാവില് നിന്നും നോട്ടീസ് ഒപ്പിട്ട് വാങ്ങും. റൂറല് പോലീസ് പരിധിയില് സംഘര്ഷസ്ഥലങ്ങളില് രാത്രികാല പ്രകടനങ്ങള്ക്ക് വിലക്കേര്പ്പെടുത്തി തുടങ്ങിയിട്ടുണ്ട്. അതേസമയം കൊടിമരങ്ങള്, സ്തൂപങ്ങള് എന്നിവ നശിപ്പിക്കപ്പെട്ടാല് കേസുകള് എടുക്കേണ്ടെന്ന തീരുമാനത്തിലേക്കും പോലീസ് എത്തിച്ചേര്ന്നിട്ടുണ്ട്.
പ്രതികരിക്കാൻ ഇവിടെ എഴുതുക: