കോട്ടയം: നാഷണലൈസ്ഡ് ബാങ്കുകളും ഷെഡ്യൂള്ഡ് ബാങ്കുകളും ഇടപാടുകാരില്നിന്നും സര്വ്വീസ് ചാര്ജ്ജ് ഇനത്തില് വന്തുക ഈടാക്കുമ്പോള് ഇതൊന്നുമില്ലാതെ പോസ്റ്റ് ഓഫീസ് സേവിംഗ്സ് ബാങ്ക് ജനങ്ങളിലേക്ക് എത്തിയിരിക്കുന്നു.
മോദി സര്ക്കാരിന്റെ ജനക്ഷേമപദ്ധതികളില്പെട്ടതാണ് പോസ്റ്റ് ഓഫീസ് ബാങ്കിംഗും. ഇവിടെ അക്കൗണ്ട് തുടങ്ങുവാന് വേണ്ടത് വെറും നൂറ് രൂപമാത്രം. അക്കൗണ്ട് തുടങ്ങുന്നതിന് ആധാര് കാര്ഡിന്റെ പകര്പ്പ്, രണ്ടു ഫോട്ടോ എന്നിവയും പാന് കാര്ഡ് ഉണ്ടെങ്കില് അതിന്റെ കോപ്പിയുമായി ഏറ്റവും അടുത്ത തപാല് ആഫീസില് ചെന്നാല് ഏതൊരാള്ക്കും ബാങ്ക് അക്കൗണ്ട് തുടങ്ങാം.
അപ്പോള്തന്നെ എടിഎം കാര്ഡും ഉപഭോക്താവിന് ലഭിക്കും. ഇതുപയോഗിച്ച് ഏത് ബാങ്കില്നിന്നും സര്വ്വീസ് ചാര്ജ്ജുകള് ഒന്നുമില്ലാതെ പണം പിന്വലിക്കുകയും ചെയ്യാം എന്നുള്ളതാണ് സവിശേഷത. മറ്റുബാങ്കുകള് ഇടപാടുകാരില് നിന്നും വിവിധ ഇലങ്ങളിലായി തുക വസൂലാക്കുമ്പോഴാണ് രാജ്യത്തെമ്പാടുമുള്ള പോസ്റ്റല് സേവിംഗ്സ് ബാങ്കിന്റെ സേവനം ജനങ്ങള്ക്ക് ഉപകാരമാകുന്നത്. അക്കൗണ്ടില് 100 രൂപയുടെ ബാലന്സ് ഉണ്ടാകണമെന്ന ഒറ്റ നിബന്ധന മാത്രമേ ഉള്ളൂ. പ്രധാന തപാല് ഓഫീസുകളിലെല്ലാം എടിഎം കൗണ്ടര് പ്രവര്ത്തനം ആരംഭിച്ചുകഴിഞ്ഞു.
പ്രതികരിക്കാൻ ഇവിടെ എഴുതുക: