കണ്ണൂര്: പയ്യന്നൂര് ലയം കലാക്ഷേത്രം സംഘടിപ്പിക്കുന്ന ഭാവലയം ഗാനോത്സവത്തിന്റെ ഭാഗമായി അഖില കേരളാടിസ്ഥാനത്തില് ലളിതഗാന രചനാ മത്സരം സംഘടിപ്പിക്കുമെന്ന് ലയം കലാക്ഷേത്രം ഭാരവാഹികള് വാര്ത്താ സമ്മേളനത്തില് പറഞ്ഞു. പ്രകൃതി സംബന്ധമായ വിഷയവുമായി ബന്ധപ്പെട്ടുളള രചനകളാണ് മത്സരത്തിന്റെ ഭാഗമായി രചിക്കേണ്ടത്. ഒരാള്ക്ക് രണ്ട് സൃഷ്ടികള് അയക്കാം. മത്സരത്തിലെ 1 മുതല് 4 വരെയുളള സ്ഥാനങ്ങള് നേടുന്നവര്ക്ക് ട്രോഫിക്കു പുറമെ 4000, 3000, 2000, 1000 രൂപയും യഥാക്രമം ലഭിക്കും. വിജയികളാവുന്നവരുടെ രചനകള് 2017 ഡിസംബറില് സംഘടിപ്പിക്കുന്ന ഒഎന്വി മെമ്മോറിയല് അഖില കേരള ലളിത ഗാനാലപന മത്സരത്തിലേക്ക് സംഗീതം നല്കി റെക്കോര്ഡ് ചെയ്യാന് തെരഞ്ഞെടുക്കും. ഗാനങ്ങള് ദി ഡയരക്ടര്, ലയം കലാക്ഷേത്രം, തെക്കേബസാര്, പയ്യന്നൂര്, കണ്ണൂര് ജില്ല എന്നിവിലാസത്തില് രജിസ്ട്രേഡ് തപാലില് ഏപ്രില് 7നകം അയക്കണം. കവറിനു മുകളില് ഒഎന്വി മെമ്മോറിയല് അഖില കേരള ലളിതഗാന രചനാ മത്സരം എന്നെഴുതണം. മത്സരത്തിന് രജിസ്ട്രേഷന് ഫീസില്ല. ഫോണ്: 9388212268. വാര്ത്താ സമ്മേളനത്തില് രാജന് കരിവെളളൂര്, പ്രൊഫ.എം.രാജീവന്,സുധീര് മാവില, ജയരാജന് പയ്യന്നൂര് എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: