കൊച്ചി: ഹോട്ടലുകളിലും ബേക്കറികളിലും ഇനി കേരള ഹോട്ടല് ആന്ഡ് റസ്റ്റോറന്റ് അസോസിയേഷന് പുറത്തിറക്കുന്ന പാക്കേജ്ഡ് ഡ്രിങ്കിങ് വാട്ടറും, മറ്റ് ഉല്പനങ്ങളും വില്പ്പനയ്ക്ക്. ‘കോറല്’ എന്ന ബ്രാന്ഡ് നെയിമിലാണ് ഉല്പ്പനങ്ങള് പുറത്തിറക്കിയിരിക്കുന്നതെന്ന് ഭാരവാഹികള് പത്രസമ്മേളനത്തില് അറിയിച്ചു.
കുടിവെള്ളത്തിന് പുറമേ ഹെര്ബല് വാട്ടര്, ക്ലബ് സോഡ, മാംഗോ, പാഷന് ഫ്രൂട്ട് എന്നിവയുടെ ജ്യൂസും വിപണിയിലിറക്കും. മികച്ച സുരക്ഷ പരിശോധനകള്ക്ക് ശേഷമാണ് ഉല്പ്പനങ്ങള് വിപണിയിലിറക്കിയതെന്ന് അസോസിയേഷന് സംസ്ഥാന ജനറല് സെക്രട്ടറി ജി.ജയപാല് പറഞ്ഞു.
ഉല്പ്പനങ്ങള് ജില്ലാ കമ്മിറ്റികളുടെ മേല്നോട്ടത്തിലാണ് കടകളിലെത്തിക്കുന്നത്. വ്യാവസായികാടിസ്ഥാനത്തിലുള്ള വിപണോദ്ഘാടനം അസോസിയേഷന് സംസ്ഥാന പ്രസിഡന്റ് മൊയ്തീന്കുട്ടി ഹാജി നിര്വഹിച്ചു. അസോസിയേഷന് ട്രഷറര് കെ.പി. ബാലകൃഷ്ണ പൊതുവാള്, പ്രസാദ് ആനന്ദഭവന്, ജി.കെ. പ്രകാശ്, ടി.സി. റഫീഖ് എന്നിവര് പത്രസമ്മേളനത്തില് പങ്കെടുത്തു.
പ്രതികരിക്കാൻ ഇവിടെ എഴുതുക: