പേരാമംഗലം: നീലയും വെള്ളയും ഇടകലര്ന്ന സ്റ്റിക്കറുകളും നിറങ്ങളുമായി ഹൈവേ പോലീസിന്റെ വാഹനങ്ങള് നിരത്തിലിറങ്ങി. രണ്ട് ദിവസമായി ഈ നീല നിറത്തിലുള്ള പുതിയ സ്റ്റിക്കര് പതിച്ചുള്ള വാഹനത്തിലാണ് ഹൈവേ പോലീസിന്റെ പരക്കംപാച്ചില്. റോഡിലെ തിരക്കില് നിന്ന് പെട്ടെന്ന് ശ്രദ്ധിക്കപ്പെടുന്ന നിറമാണ് ഇപ്പോള് വാഹനത്തിന് നല്കിയിരിക്കുന്നത്. തൃശൂര് ജില്ലയില് അഞ്ച് വാഹനങ്ങളാണ് ഹൈവേ പോലീസിനുള്ളത്. സിറ്റി ലിമിറ്റില് രണ്ടും റൂറല് ലിമിറ്റില് മൂന്നും. വാഹനങ്ങള് തിരുവനന്തപുരത്ത് കൊണ്ടുപോയാണ് നിറം മാറ്റി കൊണ്ടുവന്നത്.
പെട്ടെന്നുള്ള ഈ കളര് മാറ്റം വാഹന പരിശോധനയില് നിന്നും രക്ഷപ്പെടുവാനുള്ള സാധ്യതകളെ ഇല്ലാതാക്കുമെന്നാണ് കരുതുന്നത്. ഇത്തരത്തില് നാല്പ്പതിലധികം വാഹനങ്ങളാണ് കേരളത്തില് നിരത്തിലിറങ്ങിയിരിക്കുന്നത്.
പ്രതികരിക്കാൻ ഇവിടെ എഴുതുക: