തിരുവനന്തപുരം: സനാതന ധര്മ്മമാണ് നമ്മുടെ മുല്യമെന്നും ഇത് ഒരിക്കലും നശിക്കാത്തതാണെന്നും ഹിന്ദു ഐക്യവേദി സംസ്ഥാന ട്രഷറര് അരവിന്ദാക്ഷന് പറഞ്ഞു. ഹിന്ദു ഐക്യവേദി ജില്ലാ പ്രതിനിധി സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ധര്മ്മരാഷ്ട്രമായ ഭാരതത്തെ ലോകത്തിന്റെ നെറുകയിലെത്തിക്കാന് സാധിക്കുന്ന ഭരണകര്ത്താവാണ് നമുക്ക് ഇന്നുള്ളത്. നന്മ ചെയ്യുന്ന വ്യക്തിക്ക് തോല്വിയുണ്ടാകില്ല, നന്മചെയ്യുന്ന സമൂഹം ജീര്ണ്ണിക്കില്ല, നന്മ ചെയ്യുന്ന രാജ്യം സനാതനമായി നിലനില്കുമെന്ന തത്വത്തിന് പ്രസക്തിയേറുകയാണെന്നും അദ്ദേഹം പറഞ്ഞു.
ഓരോ ദിവസം കടന്നു പോകുമ്പോഴും ഹിന്ദു സമൂഹം പുതിയ വെല്ലുവിളികളെ അഭിമുഖീകരിക്കുകയാണെന്നും ഇതിനെ പ്രതിരോധിക്കാന് ഹിന്ദുഐക്യവേദി പ്രവര്ത്തകര്ക്ക് കഴിയണമെന്നും ഹിന്ദു ഐക്യവേദി സംസ്ഥാന സംഘടനാ സെക്രട്ടറി ടി.വി. ബാബു പറഞ്ഞു. പരിപാടിയില് മുഖ്യപ്രഭാഷണം നടത്തുകയായിരുന്നു അദ്ദേഹം.
മികച്ച മാധ്യപ്രവര്ത്തകനുള്ള തിക്കുറിശ്ശി ഫൗണ്ടഷന് അവാര്ഡ് നേടിയ ജന്മഭൂമി ലേഖകന് ശിവാകൈലാസിനെ ഹിന്ദു ഐക്യവേദി സംസ്ഥാന സംസ്ഥാന ഉപാദ്ധ്യക്ഷന് ജ്യോതീന്ദ്രകുമാര് ആദരിച്ചു. സംസ്ഥാന സെക്രട്ടറി കിളിമാനൂര് സുരേഷ്, സംസ്ഥാന സമിതി അംഗം കെ. പ്രഭാകരന്, ജില്ലാ ട്രഷറര് വി. ശിവശങ്കരപിള്ള, ജില്ലാ സംഘടനാ സെക്രട്ടറി കെ. പ്രഭാകരന്, ജില്ലാ വൈസ് പ്രസിഡന്റ് വാമനപുരം രാധാകൃഷ്ണന്, മഹിളാ ഐക്യവേദി ജില്ലാ രക്ഷാധികാരികളായ പ്രഭാവതി അമ്മ, നിര്മ്മലകുമാരി, ജില്ലാ ജനറല് സെക്രട്ടറി സൂര്യാ പ്രേം എന്നിവര് സംസാരിച്ചു. ഹിന്ദു ഐക്യവേദി ജില്ലാ ജോ. സെക്രട്ടറി സന്ദീപ് സ്വാഗതവും ജില്ലാ സെക്രട്ടറി കൊണ്ണിയൂര് ഹരി നന്ദിയും പറഞ്ഞു.
ജില്ലാ ജനറല് സെക്രട്ടറി വഴയില ഉണ്ണി റിപ്പോര്ട്ട് അവതരിപ്പിച്ചു. തുടര്ന്ന് പുതിയ ഭാരവാഹികളെ പ്രഖ്യാപിച്ചു.
പ്രതികരിക്കാൻ ഇവിടെ എഴുതുക: