കണ്ണൂര്: നോര്ത്ത് മലബാര് ചേമ്പര് ഓഫ് കൊമേഴ്സിന്റെ ചേമ്പര് അവാര്ഡ് 2016 വിതരണം ചെയ്തു. റവന്യൂ വകുപ്പ് മന്ത്രി ഇ. ചന്ദ്രശേഖരനാണ് അവാര്ഡുകള് വിതരണം ചെയ്തത്. ലൈഫ് ടൈം അച്ചീവ്മെന്റ് അവാര്ഡ് ടിവി ഗ്രൂപ്പ് ചെയര്മാന് ടി.വി. ഇസ്മായില്, മികച്ച ഇന്ഡസ്ട്രിയലിസ്റ്റ് പുരസ്കാരം വിനില് വര്ഗീസ്, മികച്ച ട്രേഡര് പുരസ്കാരം ജയഭാരതി ഗ്രൂപ്പ് എംഡി ടി.പി.സഹദേവന് എന്നിവര് ഏറ്റുവാങ്ങി. യുഎഇയിലെ മികച്ച 100 മലയാളികളിലെ നോര്ത്ത് മലബാര് ചേബര് ഓഫ് കൊമേഴ്സ് മെബര്മാരായ ഫാദില് ഗ്രൂപ്പ് ചെയര്മാന് അബ്ദുള് ലത്തീഫ് കെഎസ്, എംഎം ഫൗണ്ടേഷന് ചെയര്മാന് മുസ്തഫ മുള്ളികോട്ട് എന്നിവരെ ചടങ്ങില് ആദരിച്ചു. സി. അനില്കുമാര്, പി.ഷഹിന്, കെ.വി. ഹനീഷ് എന്നിവര് പുരസ്കാര ജേതാക്കളെ പരിചയപ്പെടുത്തി. വിവിധ മേഖലകളില് മികച്ച പ്രകടനം കാഴ്ചവെച്ച അംഗങ്ങളുടെ കുട്ടികള്ക്കുള്ള സമ്മാനങ്ങളും വിതരണം ചെയ്തു.
നോര്ത്ത് മലബാര് ചേബര് ഓഫ് കൊമേഴ്സ് പ്രസിഡന്റ് സി.വി.ദീപക് അധ്യക്ഷത വഹിച്ചു. സുശീല് ആരോണ്, കെ. ത്രിവിക്രമന്, ബി. മഹേഷ്ചന്ദ്ര ബലിഗ, കെ. വിനോദ് നാരായണന് എന്നിവര് സംസാരിച്ചു. മാത്യൂ സാമുവല് സ്വാഗതവും സച്ചിന് സൂര്യകാന്ത് നന്ദിയും പറഞ്ഞു.
പ്രതികരിക്കാൻ ഇവിടെ എഴുതുക: