അമ്പലപ്പുഴ: ഇടതു സര്ക്കാര് അധികാരത്തിലേറി രണ്ടാമത്തെ ബജറ്റിലും കാപ്പിത്തോട് മാലിന്യപ്രശ്നം പരിഹരിക്കുവാന് പണം അനുവദിക്കാത്തത് സ്ഥലം എംഎല്എ കൂടിയായ മന്ത്രി ജി.സുധാകരന്റെ കഴിവുകേടാണന്ന് ബിജെപി അമ്പലപ്പുഴ നിയോജക മണ്ഡലം കമ്മറ്റി ആരോപിച്ചു. ബജറ്റില് കാപ്പിത്തോട് മാലിന്യപ്രശ്നത്തിന് പണം അനുവദിക്കാത്തതില് പ്രതിഷേധിച്ചും, കാപ്പിത്തോട് മാലിന്യപ്രശ്നത്തില് ജി.സുധാകരന് കാട്ടുന്ന അവഗണനക്കും എതിരെ ബിജെപി അമ്പലപ്പുഴ നിയോജക മണ്ഡലം കമ്മറ്റിയുടെ നേതൃത്വത്തില് എംഎല്എ ഓഫീസിലേക്ക് 30 ന് മാര്ച്ച് നടത്തുവാനും യോഗം തീരുമാനിച്ചു.
നിയോജക മണ്ഡലം പ്രസിഡന്റ് വി.ശ്രീജിത്ത് അദ്ധ്യക്ഷത വഹിച്ച യോഗം ബിജെപി ദക്ഷിണമേഖലാ പ്രസിഡന്റ വെള്ളിയാകുളം പരമേശ്വരന് ഉദ്ഘാടനം ചെയ്തു. ജില്ലാ സെക്രട്ടറിഎം.വി ഗോപകുമാര്, ജില്ലാ വൈസ് പ്രസിഡന്റുമാരായ കൊട്ടാരം ഉണ്ണികൃഷ്ണന്, ഡി.പ്രദീപ്, ജില്ലാ സെക്രട്ടറി എല്. പി. ജയചന്ദ്രന്, നിയോജക മണ്ഡലം ജനറല് സെക്രട്ടറിമാരായ അനില്കുമാര്, ലിജു , വൈസ് പ്രസിഡന്റു ാരായ അനില് പാഞ്ചജന്യം, വി.ബാബുരാജ്, ഗോപകുമാര്, ബിന്ദു ബിജു, ട്രഷറര് ബിജു തുണ്ടില്, സെക്രട്ടറിമാരായ വി.സി. സാബു, ആര്. കണ്ണന്, മോര്ച്ച പ്രസിഡന്റുമാരായ ശിവരാമന്, സ്മിതാ ഷേണായ് എന്നിവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: