ചാലക്കുടി:അഴിമതിയില് മുങ്ങിയ കൊരട്ടി പഞ്ചായത്ത് ഭരണം അവസാനിപ്പിക്കുവാന് വേണ്ടി വന്നാല് ബിജെപി തയ്യാറാക്കുമെന്ന് ജില്ലാ പ്രസിഡന്റ് എ നാഗേഷ് പറഞ്ഞു. ബിജെപി പഞ്ചായത്ത് സമിതിയുടെ നേതൃത്വത്തില് നടത്തിയ പഞ്ചായത്ത് ഓഫീസിലേക്ക് മാര്ച്ചും ധര്ണ്ണയും ഉദ്ഘാടനം ചെയ്യുകയായിരുന്നു അദ്ദേഹം.കൊരട്ടി പഞ്ചായത്ത് ഭരണ സമിതിയുടെ ഏകാധിപത്യ ഭരണത്തിനെതിരെയും,കേന്ദ്ര സര്ക്കാര് നിര്ദ്ദേശിച്ചിരിക്കുന്ന ഗ്രാമസഭകള് കൊരട്ടി പഞ്ചായത്തില് വിളിച്ച് ചേര്ക്കാത്തതിലും,പെന്ഷന് വിതരണം അവതാളത്തിലാക്കിയത്തിലും പ്രതിക്ഷേധിച്ചാണ് മാര്ച്ചും ധര്ണ്ണയും സംഘടിപ്പിച്ചത്.ഓഫീസീന് സമീപത്ത് പോലീസ് മാര്ച്ച് തടഞ്ഞു.പഞ്ചായത്ത് സമിതി പ്രസിഡന്റ് സി.ആര്,അജേഷ് യോഗത്തില് അദ്ധ്യക്ഷത വഹിച്ചു.മണ്ഡലം പ്രസിഡന്റ് കെ.എ.സുരേഷ്,പട്ടികജാതി മോര്ച്ച ജില്ലാ ജനറല് സെക്രട്ടറി സജീവ് പള്ളത്ത്,മണ്ഡലം ജനറല് സെക്രട്ടറി കെ.യു.ദിനേശന്,സെക്രട്ടറി ടി,.എസ്.മുകേഷ്,ജില്ലാ വൈസ് പ്രസിഡന്റ് ഇ.മുരളീധരന്,ജില്ലാ ജനറല് സെക്രട്ടറി കെ.പി.ജോര്ജ്ജ്,പഞ്ചായത്തംഗം ബിന്ദു സത്യപാലന്, ശ്രീകല മണികണ്ഠന്,വി.സി.സിജു തുടങ്ങിയവര് സംസാരിച്ചു. കൊരട്ടി ജംഗ്ഷനില് നിന്നാരംഭിച്ച മാര്ച്ചിന് ടി.പി.സന്തോഷ്,കെ.വി.അയ്യപ്പന്,സാജന് കൂത്താട്ട്,കെ.ആര്.രമേശന് തുടങ്ങിയവര് നേതൃത്വം നല്കി.
പ്രതികരിക്കാൻ ഇവിടെ എഴുതുക: