ചാലക്കുടി: കാടുകുറ്റി പഞ്ചായത്തിലെ അന്നനാട് ജനകീയ പ്രതിഷേധത്തെ തുടര്ന്ന് നിര്ത്തി വെച്ച മൊബൈല് ടവര് നിര്മ്മാണം വീണ്ടും തുടങ്ങി. നിര്മ്മാണ പ്രവര്ത്തനത്തനങ്ങള് തടഞ്ഞ ജനപ്രതിനിധികള് അടക്കമുള്ളവരെ അറസ്റ്റ് ചെയ്തു നീക്കിയാണ് ടവര് നിര്മ്മാണം തുടങ്ങിയത്.
ടവര് നിര്മ്മാണത്തിന് പോലീസ് സംരക്ഷണം നല്കണമെന്നകളക്ടറുടെ നിര്ദ്ദേശത്തെ തുടര്ന്ന് ഡിവൈഎസ്പി സി.എസ്.ഷാഹുല് ഹമീദ്, മാള സി.ഐ വി.റോയി, കൊരട്ടി എസ്.ഐ കെ ബാബു തുടങ്ങിയവരുടേ നേതൃത്വത്തിലുള്ള വലിയ പോലീസ് സംഘം സ്ഥലത്തെത്തി. നിര്മ്മാണ ജോലികള് തടയാന് എത്തിയ കാടുകുറ്റി പഞ്ചായത്ത് പ്രസിഡന്റ് തോമസ് ഐ കണ്ണത്തിന്റെ നേതൃത്വത്തിലുള്ള ജനപ്രതിനിധികളെയും നാട്ടുകാരെയും പോലീസ് സംഘം അറസ്റ്റ് ചെയ്തു നീക്കി.
നിര്മ്മാണ പ്രവൃത്തികള് തടയണമെന്നാവശ്യപ്പെട്ട് ആക്ഷന് കൗണ്സില് നല്കിയ പരാതി കോടതി നിരസിച്ച സാഹചര്യത്തിലാണ് ടവര് നിര്മ്മാണം തടഞ്ഞവരെ പോലീസ് അറസ്റ്റ് ചെയ്തത്. എന്ത് വന്നാലും ജനവാസ മേഖലയില് ടവര് നിര്മ്മാണം അനുവദിക്കില്ലെന്ന് പഞ്ചായത്ത് പ്രസിഡന്റ് തോമാസ് ഐ കണ്ണത്തും പറഞ്ഞു. പഞ്ചായത്തംഗങ്ങളായ മോളി തോമസ്, ശ്രീദേവി നാരായണന്, ബ്ലോക്ക് പഞ്ചായത്തംഗം എം,രാജഗോപാല്, വിവധ രാഷ്ട്രീയ പാര്ട്ടിക നേതാക്കള്,സ്ത്രീകള് അടക്കമുള്ള നാട്ടുകരെയാണ് േഅറസ്റ്റ് ചെയ്തു നീക്കിയത്.
പ്രതികരിക്കാൻ ഇവിടെ എഴുതുക: