കാക്കനാട്: ഒറ്റത്തവണ നികുതി അടയ്ക്കാത്ത ടൂറിസ്റ്റ് വാഹനങ്ങള്ക്ക് യാതൊരുവിധ സര്വീസുകളും നല്കരുതെന്ന് മോട്ടോര് വാഹനവകുപ്പ് കമ്മീഷണര് ഉത്തരവ്. നിലവിലെ നിയമമനുസിച്ച് അഞ്ച് വര്ഷത്തെ നികുതി അടച്ച വാഹനങ്ങള്ക്ക് ബാക്കി പത്ത് വര്ഷത്തെ നികുതി അടക്കാന് രണ്ട് മാസത്തെ സാവകാശം നല്കാന് ഉത്തരവില് നിര്ദേശിച്ചിട്ടുണ്ട്. ഒറ്റത്തവണ നികുതി ഈടാക്കുന്നതിനെതിരെ വാഹന ഉടമകള് നല്കിയ ഹര്ജികളില് സര്ക്കാറിന് അനുകൂലവിധിയുണ്ടായ സാഹചര്യത്തിലാണ് പതിനഞ്ച് വര്ഷത്തെ നികുതി ഒറ്റത്തവണയായി ഈടാക്കാന് മോട്ടോര്വാഹന വകുപ്പ് തീരുമാനിച്ചത്. ആദ്യമായി രജിസ്റ്റര് ചെയ്യുന്ന വാഹനങ്ങള്ക്ക് വിലയുടെ അടിസ്ഥാനത്തില് പതിനഞ്ച് വര്ഷത്തെ ഒറ്റത്തവണ നികുതി ഈടാക്കും. 2014ലെ ടാക്സേഷന് ആക്ട് പ്രകാരമാണ് ടൂറിസ്റ്റ് മോട്ടോര് ക്യാബുകള്ക്ക് ഒറ്റത്തവണ നികുതി ഏര്പ്പെടുത്താന് തീരുമാനിച്ചത്. അഞ്ച് വര്ഷത്തെ നികുതി അടച്ചിരിക്കുന്ന വാഹന ഉടമകള്ക്ക് പത്ത് വര്ഷത്തെ നികുതി കൂടി അടക്കാന് കോടതി വിധിയുടെ പശ്ചാത്തലത്തില് നോട്ടീസ് നല്കും.
നിശ്ചിത സമയപരിധിക്കുള്ളില് ഒറ്റത്തവണ നികുതി ഒടുക്കാത്ത വാഹനങ്ങള്ക്കെതിരെ റിക്കവറി നടപടികള് സ്വീകരിക്കാനും ട്രാസ്പോര്ട്ട് കമ്മീഷണര് നിര്ദേശിച്ചിട്ടുണ്ട്.
പ്രതികരിക്കാൻ ഇവിടെ എഴുതുക: