മട്ടന്നൂര്: കാര്ഷികഗ്രാമീണ വികസനത്തിനായുള്ള ദേശീയ ബാങ്ക് നബാര്ഡ്, ആകാശവാണി കണ്ണൂര് നിലയം, ഫാംഫെഡ്, എന്നിവ പന്നിയൂര് കൃഷി വിജ്ഞാനകേന്ദ്രത്തിന്റെ സാങ്കേതിക സഹകരണത്തോടെ നടപ്പിലാക്കുന്ന ഞാന് കര്ഷകന് റേഡിയോ ഫാംസ്കൂള് പ്രോജ്ക്ടിന്റെ വിജയികള്ക്കുള്ള പുരസ്കകാര വിതരണം നാളെ മട്ടന്നൂര് ഹയര് സെക്കന്ററി സ്കൂളില് നടക്കുമെന്ന് ഭാരവാഹികള് വാര്ത്താ സമ്മേളനത്തില് പറഞ്ഞു. രാവിലെ 10 മണിക്ക് മന്ത്രി കടകംപള്ളി സുരേന്ദ്രന് ഉദ്ഘാടനം ചെയ്യും. ഇ.പി.ജയരാജന് എംഎല്എ അധ്യക്ഷത വഹിക്കും. നബാര്ഡ് ചീഫ് ജനറല് മാനേജര് വി.ആര്.രവീന്ദ്രനാഥ് വിശിഷ്ടാതിഥിയായിരിക്കും .ഫാംഫെഡ് സിഇഒ വി.വി.ചന്ദ്രന് പദ്ധതി വിശദീകരണം നടത്തും. നബാര്ഡ് എജിഎം എസ്എസ്.നാഗേഷ് പുരസ്ക്കാര പരിചയം നടത്തും. മികച്ച വിദ്യാലയങ്ങള്ക്ക് കണ്ണൂര് ആകാശവാണി നിലയം മേധാവി കെ.ബാലചന്ദ്രന് ഉപഹാര വിതരണം നടത്തും. പദ്ധതിയില് പങ്കെടുത്ത വിദ്യാലയങ്ങള്ക്കുള്ള ഉപഹാര വിതരണം നഗരസഭ ചെയര്മാന് കെ.ഭാസ്കരന് മാസ്റ്റര് നടത്തും. കാര്ഷിക ക്ലബ്ബിനുള്ള ആദരം കൃഷിവിജ്ഞാനകേന്ദ്രം കണ്ണൂര് മേധാവി പ്രൊഫസര് പി.ജയരാജ് നിര്വ്വഹിക്കും. കാര്ഷിക പ്രശ്നോത്തരിയില് പങ്കെടുത്ത വിദ്യാര്ത്ഥികള്ക്കുള്ള ഉപഹാരം സ്കൂള് മാനേജര് കെ.ടി.ശിവദാസ് വിതരണം ചെയ്യും. പിടിഎ പ്രസിഡണ്ട് പി.സുരേഷ് ബാബു സര്ട്ടിഫിക്കറ്റ് വിതരണം ചെയ്യും. മികച്ച ജൈവ കൃഷിത്തോട്ടത്തിന് മട്ടന്നൂര് ഹയര് സെക്കന്ററി സ്കൂള്, തൊക്കിലങ്ങാടി ഹയര് സെക്കന്ററി സ്കൂള്, നിര്മ്മലഗിരി റാണി ജയ് ഹയര് സെക്കന്ററി സ്കൂള് എന്നിവ യഥാക്രമം ഒന്നും രണ്ടും മൂന്നും സ്ഥാനങ്ങള് നേടി. കാര്ഷിക പ്രശ്നോത്തരിയില് യഥാക്രമം മമ്പറം ഹയര് സെക്കന്ററി സ്കൂള്, പെരളശ്ശേരി എകെജി സ്മാരക ഹയര് സെക്കന്ററി സ്കൂള്, തൊക്കിലങ്ങാടി ഹയര് സെക്കന്ററി സ്കൂള് എന്നിവ ഒന്നും രണ്ടും മൂന്നും സ്ഥാനങ്ങള് നേടിയതായും ഭാരവാഹികള് പറഞ്ഞു. വാര്ത്താ സമ്മേളനത്തില് ഇ.ഗണേഷ്, വി.വി.ചന്ദ്രന്, എസ്.എസ്നാഗേഷ്, കെ.ടി.ശിവദാസ്, സി.പി.സനല് ചന്ദ്രന്, കൃഷ്ണകുമാര് കണ്ണോത്ത്, ഹേമചന്ദ്രന്, പി.സുരേഷ് ബാബു എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: