കണ്ണൂര്: ജില്ലാപഞ്ചായത്തും ജില്ലാവ്യവസായ കേന്ദ്രവും സംയുക്തമായി നടത്തുന്ന കാര്ഷിക പരമ്പരാഗത വ്യാവസായിക ഉല്പ്പന്ന പ്രദര്ശന വിപണനമേളയ്ക്ക് പോലീസ് മൈതാനിയില് തുടക്കമായി. പുതിയ സംരംഭങ്ങള്ക്ക് പ്രോത്സാഹനവും സംരംഭകരായ സാധാരണക്കാര്ക്ക് ആത്മവിശ്വാസവും നല്കുന്നതാണ് പരമ്പരാഗത ഉല്പന്ന മേളകളെന്ന് വിപണനമേള ഉദ്ഘാടനം ചെയ്ത ജില്ലാപഞ്ചായത്ത് പ്രസിഡന്റ് കെ.വി.സുമേഷ് പറഞ്ഞു.
മേളയിലെ വിഷരഹിത-സുരക്ഷിത പച്ചക്കറി സ്റ്റാള് ജില്ലാപഞ്ചായത്ത് ആരോഗ്യ വിദ്യാഭ്യാസ സ്റ്റാന്റിംഗ് കമ്മറ്റി ചെയര്മാന് കെ.പി.ജയബാലന് മാസ്റ്റര് ഉദ്ഘാടനം ചെയ്തു. ജില്ലാപഞ്ചായത്ത് വികസനകാര്യ സ്റ്റാന്റിംഗ് കമ്മറ്റി ചെയര്മാന് വി.കെ സുരേഷ്ബാബു അധ്യക്ഷത വഹിച്ചു. ജില്ലാപഞ്ചായത്ത് അംഗങ്ങളായ അജിത് മാട്ടൂല്, തോമസ് വര്ഗീസ്, അന്സാരി തില്ലങ്കേരി, ജില്ലാവ്യവസായ കേന്ദ്രം ജനറല് മാനേജര് ഡി.രാജേന്ദ്രന്, മാനേജര് സി.രമേശന്, വി.മൂസാന്കുട്ടി, കെ.വി സുകുമാരന്, കെ.ബി റഊഫ് തുടങ്ങിയവര് സംസാരിച്ചു.
ജില്ലയിലെ കുടുംബശ്രീ യൂണിറ്റുകള്, പൊതുമേഖലാ സ്ഥാപനങ്ങള്, സഹകരണ സംഘങ്ങള്, വനിതാചെറുകിട വ്യവസായ യൂണിറ്റുകള് എന്നിവയുടെ സ്റ്റാളുകള് മേളയിലുണ്ട്. മേള 13ന് സമാപിക്കും.
പ്രതികരിക്കാൻ ഇവിടെ എഴുതുക: