കുമളി: നിരവധി കേസുകളില് പ്രതിയായ യുവാവ് കഞ്ചാവുമായി കുമളി എക്സൈസ് പിടിയില്. നെടുങ്കണ്ടം പാറല്മേട് സ്വദേശി പുന്നക്കാട്ട് വീട്ടില് ജോസ് ജോസഫ്(37) ആണ് 260 ഗ്രാം കഞ്ചാവുമായി പിടിയിലായത്. അടിവസ്ത്രത്തില് ഒളിപ്പിച്ച നിലയിലായിരുന്നു കഞ്ചാവ്. നിരവധി മോഷണ-കഞ്ചാവ്-അബ്ക്കാരി കേസുകളില് പ്രതിയും ജയില് ശിക്ഷ അനുഭവിച്ചിട്ടുള്ളയാളുമാണ് പ്രതി. നെടുങ്കണ്ടം ഭാഗത്ത് സ്കൂള്-കോളേജ് വിദ്യാര്ത്ഥികള്ക്ക് വില്പ്പന നടത്തുവാനാണ് കമ്പത്ത് നിന്നും ഇയാള് കഞ്ചാവ് കൊണ്ടുവന്നതെന്ന് എക്സൈസ് പറഞ്ഞു. എക്സൈസ് ഇന്സ്പെക്ടര് എസ് ഷാജിയുടെ നേതൃത്വത്തിലാണ് കേസ് പിടികൂടിയത്. കോടതിയില് ഹാജരാക്കി റിമാന്ഡ് ചെയ്തു.
പ്രതികരിക്കാൻ ഇവിടെ എഴുതുക: