നെയ്യാര്ഡാം: വ്ലാവെട്ടിയില് ദമ്പതികളെ ആക്രമിച്ച് തലയ്ക്കടിച്ചു കൊലപ്പെടുത്താന് ശ്രമിച്ച കേസിലെ പ്രതി വ്ലാവെട്ടി വില്ലുചാരി റോഡരികത്തു വീട്ടില് സുമേഷ് (29 )നെ നെയ്യാര്ഡാം പോലീസ് അറസ്റ്റ് ചെയ്തു. ഇക്കഴിഞ്ഞ 26 നാണ് കേസിന് ആസ്പദമായ സംഭവം. വ്ലാവെട്ടി സ്വദേശിയായ അനില്കുമാര്, ഭാര്യ രഞ്ജിനി എന്നിവര് സഞ്ചരിച്ചിരുന്ന ബൈക്ക് തടഞ്ഞു നിറുത്തി ചവുട്ടിമറിച്ചിടുകയും നിലത്തുവീണ അനില്കുമാറിനെ ഇഷ്ടിക കൊണ്ട് തലയ്ക്കടിച്ചു മാരകമായി പരിക്കേല്പ്പിക്കുകയുമായിരുന്നു. അനില്കുമാറിന്റെ ബന്ധുവിനെ സുമേഷ് അസഭ്യം വിളിച്ചത് അനില്കുമാര് ചോദ്യം ചെയ്തിരുന്നു. ഈ വിരോധത്തിലാണ് പ്രതി അക്രമം നടത്തിയതെന്ന് പോലീസ് പറഞ്ഞു. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
പ്രതികരിക്കാൻ ഇവിടെ എഴുതുക: