ആലക്കോട്: വിവിധ ഹൈന്ദവ സംഘടനകളുടെ ആഭിമുഖ്യത്തില് മൂന്ന് ദിവസങ്ങളിലായി ആലക്കോട് നടന്നുവന്ന പതിനൊന്നാമത് അരങ്ങം ഹിന്ദുമേള സമാപിച്ചു. സമാപനദിവസമായ ഇന്നലെ രാവിലെ മുതല് അഷ്ടദ്രവ്യഗണപതിഹോമം, നാരായണീയ പാരായണം എന്നിവ നടന്നു. തുടര്ന്ന് നടന്ന ആദ്ധ്യത്മിക സദസ്സ് സ്വാമി സാധു വിനോദ് ഉദ്ഘാടനം ചെയ്തു. എം.പി.പ്രഭാകരന് അധ്യക്ഷത വഹിച്ചു. ബാലകൃഷ്ണന് പത്തനംതിട്ട പ്രഭാഷണം നടത്തി. ഡോ.ജി.നാഗഭൂഷണം, പി.കെ.പ്രകാശ് തുടങ്ങിയവര് സംസാരിച്ചു. തുടര്ന്ന് പ്രൊഫ.ടോണി മാത്യു പ്രഭാഷണം നടത്തി. അജീഷ് ബാലകൃഷ്ണന് കാഞ്ഞങ്ങാട് അവതരിപ്പിച്ച പുല്ലാങ്കുഴല് നാദലയം നടന്നു.
വൈകിട്ട് കൈതപ്രം ദാമോദരന് നമ്പൂതിരി പി.ആര്.രാമവര്മ്മരാജ അനുസ്മരണ പ്രഭാഷണം നടത്തി. കുമാരി വര്മ്മ സന്നിഹിതയായിരുന്നു. സമാപന സമ്മേളനത്തില് കേരള ക്ഷേത്ര സംരക്ഷണ സമിതി താലൂക്ക് പ്രസിഡണ്ട് അജിത്ത് രാമവര്മ്മ അധ്യക്ഷത വഹിച്ചു. രാഹുല് ഈശ്വര് ഉദ്ഘാടനം ചെയ്തു. ഹിന്ദു ഐക്യവേദി സംസ്ഥാന അധ്യക്ഷ കെ.പി.ശശികല ടീച്ചര് മുഖ്യപ്രഭാഷണം നടത്തി. പ്രഥമ പിആര് രാമവര്മ്മരാജ സ്മാരക ഹിന്ദുമേള പുരസ്കാരം ചടങ്ങില് കൈതപ്രം ദാമോദരന് നമ്പൂതിരിക്ക് നല്കി. ചടങ്ങില് സി.മോഹനന്, എ.വി.അശോകന്, സി.ഭാസ്കരന്, പി.എന്.മണി, എം.കെ.രാഘവന്, കെ.പി.വേണു, പി.കെ.കരുണാകരന്, പി.ജി.സജി, പി.കെ,ജനാര്ദ്ദന്, ശാന്ത സുരേന്ദ്രന്, ശിവദാസ് പാലത്തൂര്, ഇ.കെ.രവീന്ദ്രന്, സതീശന് പുതിയേട്ടി, എബിന് പോത്തേര എന്നിവര് സംസാരിച്ചു. കെ.പി.ബിജു സ്വാഗതവും ബി.ശ്രീകുമാര് നന്ദിയും പറഞ്ഞു. ഡോ.പി.എസ്.സരീഷ്, സി.വി.ജയകാന്ത്, ടി.ജി.പ്രഭാകരന്, ഭവാനിയമ്മ, ശ്രീദേവി ടീച്ചര്, അനില് കെ.ഗോപിനാഥ്, ഭാര്ഗ്ഗവി മഠത്തില്, അരുണ് ശിവവിലാസം, എന്നിവരെയും ശ്രീകൃഷ്ണ ജയന്തി ശോഭയാത്രക്കുവേണ്ടി രഥം തയ്യാറാക്കിയ കപ്പണയിലെ കലാകാരന്മാരെയും സ്വാഗത സംഘം ചെയര്മാന് വി.പി.ദാസന് ആദരിച്ചു. തുടര്ന്ന് നൃത്ത സന്ധ്യയും ഉണ്ടായി.
പ്രതികരിക്കാൻ ഇവിടെ എഴുതുക: