കോട്ടയം: ശ്രീരാമനവമി ആഘോഷത്തിന് ക്ഷേത്രങ്ങളൊരുങ്ങി. വെന്നിമല ശ്രീരാമ ലക്ഷ്മണ ക്ഷേത്രം, തിരുവാറ്റ ശ്രീരാമ ഹനുമാന്ക്ഷേത്രം, പനച്ചിക്കാട് ദക്ഷിണമൂകാംബിക ക്ഷേത്രം എന്നിവിടങ്ങളില് വിപുലമായ ഒരുക്കങ്ങളാണ് നടത്തിയിരിക്കുന്നത്.
പനച്ചിക്കാട് ദക്ഷിണമൂകാംബിക ക്ഷേത്രത്തില് വിശേഷഉത്സവമായാണ് ശ്രീരാമ നവമി ആഘോഷിക്കുന്നത്. തന്ത്രി പെരിഞ്ഞേരിമന വാസുദേവന് നമ്പൂതിരിപ്പാടിന്റെ മുഖ്യകാര്മ്മികത്വത്തിലാണ് നവമി ചടങ്ങുകള് നടക്കുന്നത്. രാവിലെ ഗണപതിഹോമത്തോടെ ചടങ്ങുകള് ആരംഭിച്ചു.വിശേഷാല് പൂജകളും സഹസ്രനാമ ജപവും സംഗീതാര്ച്ചനയും നടക്കും.
കരുവാറ്റ ക്ഷേത്രത്തില് ഇന്ന് ശ്രീരാമ നവമി ആഘോഷവും 11ന് ഹനുമജ്ജയന്തി ആഘോഷവും നടക്കും. ഇന്ന് രാവിലെ 10ന് 25 കലശം അഭിഷേകം നടക്കും. 11ന് ശ്രീരാമ സ്വാമിക്കും 11.15ന് ഹനുമാന് സ്വാമിക്കും കളഭാഭിഷേകം. 5ന് സംഗീതക്കച്ചേരി. വൈകിട്ട് 6.30ന് ശ്രീരാമ പുരസ്കാരദാന സമ്മേളനം മെഡിക്കല് കോളേജ് സൂപ്രണ്ട് ഡോ.ടി.കെ. ജയകുമാര് ഉദ്ഘാടനം ചെയ്യും. ഡോ.പി.ജി രാമകൃഷ്ണപിള്ളക്ക് ശ്രീരാമ പുരസ്കാരം നല്കി ആദരിക്കും. എട്ടിന് കുട്ടികള് അവതരിപ്പിക്കുന്ന വിവിധ കലാപരിപാടികള്.
പ്രതികരിക്കാൻ ഇവിടെ എഴുതുക: