തിരുവനന്തപുരം: ജിഷ്ണു പ്രണോയിക്ക് നീതികിട്ടണമെന്നാവശ്യപ്പെട്ട് കുടുംബം നടത്തിയ സമരത്തിനുനേരെ പോലീസ് കാട്ടിയ അതിക്രമം സംസ്ഥാനത്തിന് തന്നെ അപമാനമാണെന്ന് ഒ.രാജഗോപാല് എംഎല്എ പറഞ്ഞു. പഴയ സഖാക്കള്ക്കുവേണ്ടിയല്ല, പുത്തന് പണക്കാരെ സംരക്ഷിക്കാന് വേണ്ടിയാണ് സര്ക്കാര് നിലകൊള്ളുന്നത്.
എസിപിയുടെയും മറ്റു പോലീസുകാരുടെയും ഭാഗത്തുനിന്ന് സ്ത്രീകളെ അപമാനിക്കുന്ന തരത്തിലുള്ള പെരുമാറ്റമാണുണ്ടായത്. വാഹനത്തില് കയറ്റി കൊണ്ടുപോകുന്നതിനിടയില് ഇവരോട് സംസാരിച്ചത് വളരെ മോശം ഭാഷയിലാണ്. സ്ത്രീകള്ക്കെതിരായി വലിയ അതിക്രമമാണ് നടന്നത്. ഈ രീതിയില് അവഹേളനപരമായി പെരുമാറുന്നത് അംഗീകരിക്കാനാകില്ല.
ഇടതുപക്ഷത്തിന്റെ കൂടെ നിന്നവരാണ് ജിഷ്ണുവിന്റെ കുടുംബം. അവര്ക്കാണ് ഡിജിപിയെ കാണാന് അവസരം നല്കാതെ പോലീസ് അതിക്രമത്തിന് ഇരയാകേണ്ടിവന്നതെന്നും രാജഗോപാല് പറഞ്ഞു.
പ്രതികരിക്കാൻ ഇവിടെ എഴുതുക: