കോഴിക്കോട്: ഉന്നതമായ ലക്ഷ്യങ്ങള്ക്കു വേണ്ടി ജീവിക്കുന്നവരെയാണ് ഇന്ന് സമൂഹത്തിന് ആവശ്യമെന്ന് സംബോധ് ഫൗണ്ടേഷന് കേരളം മുഖ്യാചാര്യന് സ്വാമി അദ്ധ്യാത്മാനന്ദ സരസ്വതി.
ശ്രീരാമനവമിയോടനുബന്ധിച്ച് തളി പത്മശ്രീ ഹാളില് നടന്ന സത്സംഗത്തില് സംസാരിക്കുകയായിരുന്നു അദ്ദേഹം. പലതിനും വേണ്ടി മരിക്കാന് തയ്യാറാവുന്നതിനു പകരം ഉന്നതമായ ലക്ഷ്യങ്ങള്ക്കു വേണ്ടി ജീവിക്കുന്നവരേയാണ് ഇന്ന് ആവശ്യം.
ജീവിതം അവസാനിപ്പിക്കാന് കാരണങ്ങള് ഏറെ ഉണ്ടായിട്ടും പ്രതിസന്ധികള്ക്കു മുമ്പില് തളരാതെ ഊര്ജ്ജസ്വല ജീവിതം കാഴ്ച്ച വച്ച ശ്രീരാമചന്ദ്രന്റെ ജീവിതമാണ് രാമായണം. കൊച്ചു കൊച്ചു ആഗ്രഹങ്ങള് നിഷേധിക്കപ്പെടുമ്പോള് ജീവിതം അവസാനിപ്പിക്കാന് നിശ്ചയിക്കുന്ന ദുര്ബ്ബല മനസ്സുകള്ക്ക് രാമായണം ധൈര്യവും മാര്ഗ്ഗദര്ശനവും നല്കുന്നു. 41 രാമായണ ചിന്താസന്ധ്യകള് രാമായണത്തിന്റെ കാലിക വ്യാഖ്യാനം സമ്മാനിക്കുമെന്ന് സ്വാമി അദ്ധ്യാത്മാനന്ദ സരസ്വതി കൂട്ടിച്ചേര്ത്തു.
പ്രതികരിക്കാൻ ഇവിടെ എഴുതുക: