കണ്ണൂര്: മുഴുവന് ജിവനക്കാരും ആധാര്, മൊബൈല്, ബാങ്ക് അക്കൗണ്ട് എന്നിവ പരസ്പരം ബന്ധിപ്പിച്ച ആദ്യ ട്രൈഡി എനേബ്ള്ഡ് കലക്ടറേറ്റെന്ന ബഹുമതി കണ്ണൂരിന് സ്വന്തം. ഇന്നലെ ജീവനക്കാര്ക്കായി കലക്ടറേറ്റ് കോണ്ഫറന്സ് ഹാളില് സംഘടിപ്പിച്ച ട്രൈഡി ക്യാമ്പയിനോടെയാണ് എല്ലാ ജിവനക്കാരുടെയും മൂന്ന് ഐഡികള് പരസ്പരം ബന്ധിപ്പിച്ച് കണ്ണൂര് കലക്ടറേറ്റ് അപൂര്വ നേട്ടത്തിന് അര്ഹമായത്. ട്രൈഡി എനേബ്ള്ഡ് കലക്ടറേറ്റ് പ്രഖ്യാപനം ജില്ലാ കലക്ടര് മിര് മുഹമ്മദലി നിര്വഹിച്ചു.
കലക്ടറേറ്റിലെ വിവിധ വകുപ്പുകളിലെ ജീവനക്കാര്ക്കു പുറമെ അവരുടെ കുടുംബാംഗങ്ങളെയും പങ്കെടുപ്പിച്ചായിരുന്നു ക്യാമ്പയിന് സംഘടിപ്പിച്ചത്. ഇതുമായി ബന്ധപ്പെട്ട വിവരശേഖരണം നേരത്തേ പൂര്ത്തിയാക്കിയിരുന്നു.
ക്യാമ്പയിന്റെ ഭാഗമായി ആധാര്-മൊബൈല് ലിങ്കിംഗ്, ആധാര്- ബാങ്ക് അക്കൗണ്ട് ലിങ്കിംഗ്, ബാങ്ക് അക്കൗണ്ട് ഓപ്പണ് ചെയ്യല് എന്നിവയും നടന്നു. ക്യാമ്പയിനില് ജില്ലാ ഇന്ഫര്മേറ്റിക് ഓഫീസര് ആന്ഡ്രൂസ് വര്ഗീസ്, ജില്ലാ പ്ലാനിംഗ് ഓഫീസര് കെ.പ്രകാശന്, ഐ.ടി മിഷന്ജില്ലാ പ്രൊജക്ട് മാനേജര് സി.എം.മിഥുന്കൃഷ്ണ, ഐ.ടി സെല് കോ-ഓര്ഡിനേറ്റര് മുഹമ്മദ് ഷെരീഫ് തുടങ്ങിയവര് ക്യാമ്പയിന് നേതൃത്വം നല്കി.
പ്രതികരിക്കാൻ ഇവിടെ എഴുതുക: