കുന്നംകുളം: കോടതി വിധിയുടെ അടിസ്ഥാനത്തില് പാതയോരത്തെ മദ്യശാലകള് മാറ്റി സ്ഥാപിക്കുന്നതില് പോര്ക്കുളം പഞ്ചായത്ത് ഒത്തുകളിച്ചതില് പ്രിഷേധിച്ച് പോര്ക്കുളം പഞ്ചായത്ത് സെക്രട്ടറിയെ ബി.ജെ.പി യുവമോര്ച്ച പ്രവര്ത്തകര് ഉപരോധിച്ചു.
പുതുശ്ശേരിയിലും തെക്കേപ്പുറത്തും ശക്തമായ സമരങ്ങള് അരങ്ങേറിയതോടെ അതീവ രഹസ്യമായി മദ്യശാല പോര്ക്കുളം പഞ്ചായത്തിലെ അകത്തിയൂരിലേക്ക് മാറ്റി സ്ഥാപിക്കുകയായിരുന്നു. ഇതിനു പഞ്ചായത്ത് സെക്രട്ടറി അനുമതി നല്കുകയും ചെയ്തു.
ബിജെപി ഒഴികെയുള്ള മറ്റു രാഷ്ട്രീയ പാര്ട്ടികളെല്ലാം സ്റ്റോപ്പ് മെമ്മോ നല്കിയതിനാല് സമരത്തില് നിന്ന് പിന്മാറുകയായിരുന്നു. ബിജെപി പോര്ക്കുളം പഞ്ചായത്ത് പ്രസിഡണ്ട് റോയി മുട്ടത്ത്, വൈസ് പ്രസിഡണ്ട് പുഷ്പന് മങ്ങാട്, യുവമോര്ച്ച കുന്നംകുളം മണ്ഡലം പ്രസിഡണ്ട് ശ്രീജിത്ത് കമ്പിപ്പാലം, വൈശാഖ്, മാധവന് കുട്ടങ്കുളങ്ങര, ശരത് എന്നിവരെ പോലീസ് അറസ്റ്റു ചെയ്തു.
പ്രതികരിക്കാൻ ഇവിടെ എഴുതുക: