മുട്ടം: കനത്ത ചൂട് നിലനില്ക്കുന്ന സമയത്തും വൈദ്യുതി മുടങ്ങുന്നത് ഇരുട്ടടിയാകുന്നു. ദിവസേന ചൂട് കൂടുന്നത് മൂലം രാത്രിയില് ഉറങ്ങുവാന് കഴിയാത്ത അവസ്ഥയിലാണ്. അതിനു പുറമെയാണ് വൈദ്യുതി മുടങ്ങുന്നത്. വൈദ്യുതി മുടങ്ങുന്നതിനാല് ഫാന് പ്രവര്ത്തിപ്പിക്കാന് കഴിയുന്നില്ല. വൈദ്യുതി മുടങ്ങിയാല് മണിക്കൂറുകള് കഴിഞ്ഞാണ് പുന:സ്ഥാപിക്കുന്നത്. കാറ്റും മഴയുമില്ലാത്ത സമയങ്ങളിലും വൈദ്യുതി മുടങ്ങുന്നത് ഏറെ ദുരിതമാണ് ഉണ്ടാക്കുന്നത്. വൈദ്യുതി നിലയത്തിന്റെ സമീപ പ്രദേശങ്ങളില് പോലും മുടക്കമില്ലാതെ വൈദ്യുതി ലഭിക്കാത്തത് അധികൃതരുടെ അനാസ്ഥ മൂലമാണ്. കനത്ത ചൂടില് ഫാന് പ്രവര്ത്തിപ്പിച്ച് ആശ്വാസം കണ്ടെത്തുന്നവര്ക്ക് വൈദ്യുതി മുടക്കം ഇരുട്ടടിയായി.
പ്രതികരിക്കാൻ ഇവിടെ എഴുതുക: