തിരുവനന്തപുരം: പാപ്പനംകോട് മുന് കൗണ്സിലര് കൈമനം ചന്ദ്രന്റെ ഒന്നാം അനുസ്മരണം നടന്നു. കൈമനം വിനായക കല്ല്യാണ മണ്ഡപത്തില് നടന്ന അനുസ്മരണ ചടങ്ങില് രാഷ്ട്രീയ കഷിഭേദമന്യേ പാപ്പനംകോട് നിവാസികള് ഒത്ത് ചേര്ന്നു. കൗണ്സിലര് പദവിയിലിരിക്കെ ചുരുങ്ങിയ കാലം കൊണ്ട് ജനസേവനത്തിന്റെ മാതൃക എന്തെന്ന് ചന്ദ്രന് തെളിയിച്ച് തന്നതായി അനുസ്മരണ ചടങ്ങില് സംബന്ധിച്ചവര് പറഞ്ഞു. ചന്ദ്രന്റെ ജനസേവനം എന്നെന്നും ഓര്മ്മിക്കാന് ചന്ദ്രന് സംസ്ക്കാരിക വേദിയുടെ നേതൃത്വത്തില് ജന സേവനത്തിനായി വെബ്സൈറ്റും തുറന്നു. വേേു://സരവമിറൃമി.ുല.വൗ എന്ന വെബ്സൈറ്റിലൂടെ രക്തദാനത്തിനും തിരികെ രക്തം നല്കാനുമുള്ള സംവിധാനം ഒരുക്കിയിട്ടുണ്ട്.കൂടാതെ ആരോഗ്യഭാരതിയുമായി കൈ കോര്ത്ത് മെഡിക്കല് ക്യാമ്പുകളും സാംസ്ക്കാരിക വേദി നടത്തും.
ഒ.രാജഗോപാല് എംഎല്എ അനുസ്മരണ ചടങ്ങ് ഉദ്ഘാടനം ചെയ്തു. വാക്കിനേക്കാള് പ്രവര്ത്തിയിലാണ് കാര്യമെന്ന് തെളിയിച്ച് തന്ന വ്യക്തിത്വമാണ് ചന്ദ്രന്റേതെന്ന് രാജഗോപാല് പറഞ്ഞു. നേതാക്കന്മാരുടെ പാര്ട്ടിയല്ല ബിജെപി. പ്രവര്ത്തകരുടെ പാര്ട്ടിയാണിത്. ആ തത്വത്തിന്റെ അടിസ്ഥാനത്തിലാണ് ചന്ദ്രന് പ്രവര്ത്തിച്ചിരുന്നതെന്നും രാജഗോപാല് പറഞ്ഞു. ചന്ദ്രന് സാംസ്ക്കാരിക സമിതി ജീവകാരുണ്യ പ്രവര്ത്തനത്തിനായി തയ്യാറാക്കിയ വെബ്സൈറ്റിന്റെ ഉദ്ഘാടനം ആര്എസ്എസ് വിഭാഗ് സേവാപ്രമുഖ് എസ്.രാമചന്ദ്രന് നിര്വ്വഹിച്ചു. ബിജെപി ജില്ലാ സെക്രട്ടറി കൈമനം ദീപുരാജ് അദ്ധ്യക്ഷത വഹിച്ചു. ജില്ലാ പ്രസിഡന്റ് അഡ്വ.എസ്.സുരേഷ്, ദേശീയ സമിതി അംഗം കരമന ജയന്, സിപിഎം നേമം ഏര്യാകമ്മറ്റി അംഗം ആര്.പ്രദീപ്, കെപിസിസി അംഗം പാപ്പനംകോട് ശ്രീനി, സിപിഐ ജില്ലാ കമ്മറ്റി അംഗം അനില് തൃക്കണ്ണാപുരം, ബിജെപി നേമം നിയോജക മണ്ഡലം പ്രസിഡന്റ് തിരുമല അനില്, ജില്ലാ ജനറല് സെക്രട്ടറിമാരായ പാപ്പനംകോട് സജി, ബിജു ബി.നായര്, നഗരസഭാ കൗണ്സില് പാര്ട്ടി ഡെപ്യൂട്ടി ലീഡര് എം.ആര്.ഗോപന്, നന്ദകുമാര്, കൗണ്സിലര്മാരായ കരമന അജിത്, മഞ്ജു, എം.ആര്.ബീന തുടങ്ങിയവര് സംബന്ധിച്ചു
പ്രതികരിക്കാൻ ഇവിടെ എഴുതുക: