വര്ക്കല: ചെമ്മരുതി ഗ്രാമപഞ്ചായത്തില് നവകേരള മിഷന് പദ്ധതിയുടെ ഭാഗമായി മൂന്ന് പുതിയ ആരോഗ്യ പദ്ധതികള് നടപ്പിലാക്കി. വയോജനങ്ങള്ക്ക് മാസം തോറും സൗജന്യമായി പോഷകാഹാരവും മരുന്നും നല്കുക എന്നതാണ് ആദ്യ പദ്ധതി. തെരഞ്ഞെടുക്കപ്പെട്ട 375 പേര്ക്ക് പോഷകാഹാരകിറ്റ് വിതരണം ചെയ്തു. വി.ജോയി എംഎല്എ ഉദ്ഘാടനം നിര്വ്വഹിച്ചു. 60 വയസിന് മേല് പ്രായമുള്ള സ്ത്രീകളുടെ ആരോഗ്യ പ്രശനങ്ങള് പരിഹരിക്കുന്നതിനായി പഞ്ചായത്തിലെ കുടുംബ ക്ഷേമകേന്ദ്രങ്ങളില് എല്ലാ വെള്ളിയാഴ്ച്ചകളിലും പ്രത്യേക ക്ലിനിക്കുകള് ആരംഭിച്ചു. വിഷാദ രോഗം കണ്ടെത്തുന്നതിനും തുടര് ചികില്സക്കുമായി ചെമ്മരുതി പിഎച്ച്സി യില് വിഷാദരോഗ ക്ലിനിക്ക് ആരംഭിച്ചു. ഉദ്ഘാടനം ആര്ദ്രം മിഷന് സംസ്ഥാന കോഓര്ഡിനേറ്റര് ഡോ.വിജയകുമാര് നിര്വ്വഹിച്ചു. ഗ്രാമപഞ്ചായത്ത് പ്രസിഡന്റ് എ.എച്ച്.സലീം അധ്യക്ഷതവഹിച്ചു. വൈസ് പ്രസിഡന്റ് കുമാരി അജി, ഡോ.അന്വ്വര് അബ്ബാസ്, ഹെല്ത്ത് ഇന്സ്പെക്ടര് കെആര്.ഗോപകുമാര്, ജില്ലാ പഞ്ചായത്ത് അംഗം വി.രഞ്ജിത് തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: