ന്യൂദല്ഹി: മൊബൈല് ടവര് പ്രവര്ത്തനരഹിതമാക്കാന് സുപ്രീം കോടതി വിധി. ഗ്വാളിയോര് ഡാല് ബസാറിലുള്ള മൊബൈല് ടവര് പ്രവര്ത്തനരഹിതമാക്കാണമെന്ന് ആവശ്യപ്പെട്ടു ഹരീഷ് ചന്ദ് തിവാരി സുപ്രീം കോടതിയില് നല്കിയ ഹര്ജിയിലാണ് വിധി.
ജസ്റ്റീസ് രഞ്ജന് ഗോഗോയി, നവീന് സിന്ഹ തുടങ്ങിയവരടങ്ങുന്ന ബെഞ്ചാണ് വിധി പുറപ്പെടുവിച്ചത്. ഏഴ് ദിവസത്തിനുള്ളില് ടവര് പ്രവര്ത്തനരഹിതമാക്കണമെന്നാണ് കോടതി വിധി.
മൊബൈല് ടവറില്നിന്നുള്ള റേഡിയേഷന് കാന്സറിനു കാരണമായെന്ന് ചൂണ്ടിക്കാട്ടിയാണ് തിവാരി ഹര്ജി നല്കിയത്.
2002-ല് തന്റെ അയല്വാസിയുടെ വീടിന് മുകളില് ബിഎസ്എന്എല് അനധികൃതമായി ടവര് സ്ഥാപിച്ചിരുന്നുവെന്നും കഴിഞ്ഞ 14 വര്ഷമായി ഇതിന്റെ ദോഷം അനുഭവിക്കുകയാണെന്നും തിവാരി ഹര്ജിയില് പറയുന്നു.
പ്രതികരിക്കാൻ ഇവിടെ എഴുതുക: