ഇരിട്ടി: കോളിത്തട്ട് സെന്റ് ജോര്ജ്ജ് മലങ്കര കത്തോലിക്കാ ദേവാലയത്തിന്റെ സുവര്ണ്ണ ജൂബിലി ആഘോഷ സമാപനവും ഇടവക മദ്ധ്യസ്ഥനായ വിശുദ്ധ ഗീവര്ഗീസിന്റെ തിരുനാളും 16 മുതല് 18 വരെ ആഘോഷിക്കുമെന്നു ഭാരവാഹികള് പത്രസമ്മേളനത്തില് അറിയിച്ചു.
ആഘോഷത്തിന്റെ ഭാഗമായി 16 ന് ജൂബിലി വിളംബര ജാഥ നടക്കും. വിളംബരജാഥ കോളിത്തട്ട്, പേരട്ട, കിളിയന്തറ, വള്ളിത്തോട്, പെരിങ്കരി, അറബി വഴി കോളിത്തട്ട് ദേവാലയത്തില് സമാപിക്കും. തുടര്ന്ന് പെരുന്നാളിന്റെ കൊടിയേറ്റം നടക്കും.
17 ന് ഉച്ചക്ക് 3 മണിക്ക് വിശുദ്ധ കുര്ബാനയും തുടര്ന്ന് കഴിഞ്ഞ അമ്പതു വര്ഷക്കാലയളവില് ഇടവകയില് സേവനം ചെയ്ത വൈദികരെയും സിസ്റ്റര്മാരെയും ആദരിക്കും. 18 ന് മലങ്കര കത്തോലിക്കാ സഭയുടെ തലവനും പിതാവും കത്തോലിക്കാ മെത്രാന് സമിതിയുടെ അദ്ധ്യക്ഷനുമായ മോര് ബസ്സേലിയോസ് കര്ദ്ദിനാള് കഌമിസ് കത്തോലിക്കാ ബാവക്കും ബത്തേരി രൂപതാദ്ധ്യക്ഷന് ജോര്ജ്ജ് മാര് തോമസ് മെത്രാപ്പോലീത്തയ്ക്കും പൗര സ്വീകരണം നല്കും. തുടര്ന്ന് നടക്കുന്ന പൊതു സമ്മേളനത്തില് വെച്ച് ജൂബിലി ആഘോഷത്തിന്റെ ഭാഗമായി നടപ്പിലാക്കുന്ന ഭാവന നിര്മ്മാണ സഹായ വിതരണം കാരുണ്യ ഫണ്ട് രൂപീകരണം, സുവനീര് പ്രകാശനം എന്നിവയും ജൂബിലി പ്രദക്ഷിണം , സ്നേഹവിരുന്ന് തുടങ്ങിയവയും നടക്കും.
പത്രസമ്മേളനത്തില് ഫാ. പ്ലാച്ചിറ, ജോയി കുന്നുമ്മല്, ബേബി ഇഞ്ചിക്കാലായില്, തങ്കച്ചന് മനയില്, ഫിലിപ്പോസ് വടശ്ശേരി എന്നിവര് പങ്കെടുത്തു.
പ്രതികരിക്കാൻ ഇവിടെ എഴുതുക: