മുണ്ടക്കയം:മുണ്ടക്കയത്ത് കഞ്ചാവുമായി 63 കാരന് പിടിയില്. മുണ്ടക്കയം വരിക്കാനി കുറ്റിപറമ്പില് കുര്യന് ജോസഫ്( വെളുത്തുളളി കുര്യന്-63)നെയാണ് മുണ്ടക്കയം എക്സൈസ് ഇന്സ്പെക്ടര് ടി.ആര്.രാജേഷിന്റെ നേതൃത്വത്തില് എക്സൈസ് സംഘം പിടികൂടിയത്. കുര്യന് ദീര്ഘകാലമായി മേഖലയില് കഞ്ചാവു കച്ചവടം നടത്തുന്നതായി എക്സൈസിനു വിവരം ലഭിച്ചിരുന്നെങ്കിലും പിടികൂടാന് കഴിഞ്ഞിരുന്നില്ല.
തമിഴ്നാട്ടില് നിന്നും വാങ്ങുന്ന കഞ്ചാവു രണ്ടുഗ്രാമിന്റെ പൊതികളാക്കി ആവശ്യക്കാരന് എത്തിച്ചു കൊടുക്കുകയാണ് ഇയാള് ചെയ്യുന്നത്.അന്പത് രൂപക്കു തമിഴ്നാട്ടില് നിന്നും വാങ്ങുന്ന പൊതി ഒന്നിന് 200മുതല് 250രൂപക്കാണ് വില്ക്കുന്നത്. എക്സൈസ് നടത്തിയ പട്രോളിങ്ങിനിടെയാണ് ഇയാള് പിടിയിലാവുന്നത്.
മുണ്ടക്കയം വലിയപാലത്തിനു സമീപത്തു വച്ചു സംശയാസ്പദമായി കണ്ട ഇയാളെ പരിശോധനക്കിടയില് ശരീരത്ത് പ്ലാസ്റ്റിക് കവറില് ഒളിപ്പിച്ച നിലയില് കഞ്ചാവു കണ്ടെത്തുകയായിരുന്നു.18 പൊതികളിലാക്കി അന്പതുഗ്രാം കഞ്ചാവാണ് ഇയാളില് നിന്നും പിടികൂടിയത്.പ്രിവന്റീവ് ഓഫീസര്മാരായ പി.എ.നജീബ്, കെ.പി.മുഹമ്മദ് ഹനീഫ, എ.കെ.വിജയന്, സി.ഇ.ഒമാരായ കെ,എന്.സുരേഷ് കുമാര്,ടി.എ.സമീര്, എം.ടി.അജിമോന്,എസ്.സമീന്ദ്ര, രജിത് കൃഷ്ണ, ഡ്രൈവര് സന്തോഷ് എന്നിവര് അറസ്റ്റിനു നേതൃത്വം നല്കി.
പ്രതികരിക്കാൻ ഇവിടെ എഴുതുക: