കഞ്ഞിക്കുഴി: പഴയരിക്കണ്ടത്ത് വീട് കുത്തിത്തുറന്ന് 150 കിലോ ഉണക്ക കുരുമുളക് കവര്ന്നു. പഴയരിക്കണ്ടം കടുവാക്കുഴ പുലിയള്ളുംപുറത്ത് സുരേഷിന്റെ വീട്ടിലാണ് മോഷണം നടന്നത്. ഒരുമാസമായി സുരേഷും കുടുംബവും തിരുവനന്തപുരത്തായിരുന്നു. കഴിഞ്ഞ ദിവസം വീട്ടിലെത്തിയപ്പോഴാണ് മോഷണ വിവരം അറിയുന്നത്. വീടിന്റെ പിന്ഭാഗത്തെ കതക് തകര്ത്താണ് മോഷ്ടാക്കള് അകത്ത് കടന്നത്. സുരേഷിന്റെ പരാതിയെത്തുടര്ന്ന് കഞ്ഞിക്കുഴി എസ്.ഐയുടെ നേതൃത്വത്തിലുള്ള സംഘം അന്വേഷണം ആരംഭിച്ചിട്ടുണ്ട്. ഡോഗ് സ്ക്വാഡും വിരലടയാള സംഘവും സ്ഥലത്ത് പരിശോധന നടത്തി. സുരേഷിന്റെ വീടുമായി അടുപ്പമുള്ളവരാകാം മോഷണത്തിന് പിന്നിലെന്നാണ് കണക്ക്കൂട്ടല്.
പ്രതികരിക്കാൻ ഇവിടെ എഴുതുക: