കൊല്ലം: കുടുംബാംഗങ്ങളുടെ അരാജക ജീവിതത്തെ തുടര്ന്ന് വീടിനുള്ളില് അവഗണിക്കപ്പെടുന്ന പെണ്കുട്ടികള്ക്കും ആണ്കുട്ടികള്ക്കും കുണ്ടറ സംഭവത്തിന് സമാനമായ സംഭവങ്ങള് ഉണ്ടാകാതിരിക്കാന് തദ്ദേശസ്വയംഭരണസ്ഥാപനങ്ങളും സര്ക്കാരും കരുതല് നടപടികള് സ്വീകരിക്കണമെന്ന് സംസ്ഥാന മനുഷ്യാവകാശ കമ്മീഷന്.
സാമൂഹികക്ഷേമം, ശിശുക്ഷേമം, പോലീസ് തുടങ്ങിയ സംവിധാനങ്ങളും ഗ്രാമസഭ, അയല്ക്കൂട്ടം തുടങ്ങിയവയും ബഹുജന-യുവജനപ്രസ്ഥാനങ്ങളുടെ സഹായത്തോടെ കുട്ടികള്ക്ക് സംരക്ഷണവും അഭയവും നല്കാന് മുന്നിട്ടിറങ്ങണമെന്നും കമ്മീഷനംഗം കെ.മോഹന്കുമാര് ഉത്തരവില് പറഞ്ഞു. കേരളീയരെ ആകമാനം അപമാനഭാരത്തിലാക്കുന്ന ഇത്തരം സംഭവങ്ങള് ആവര്ത്തിക്കാതിരിക്കാന് എല്ലാ ജനവിഭാഗങ്ങളും സംഘടനകളും സഹകരിക്കണമെന്നും ഉത്തരവില് പറഞ്ഞു.
അനാഥരും അര്ധഅനാഥരുമായ പെണ്കുട്ടികള്ക്ക് മാന്യമായി ജീവിക്കാന് കഴിയാതെ വരുമ്പോള് ആത്മഹത്യ ചെയ്യുന്ന സാഹചര്യം ഒഴിവാക്കാന് സര്ക്കാരിനും സമൂഹത്തിനും ബാധ്യതയുണ്ടെന്നും ചൂണ്ടിക്കാട്ടി.
പ്രതികരിക്കാൻ ഇവിടെ എഴുതുക: