തിരുവനന്തപുരം: ഭാരതീയ വിചാരകേന്ദ്രം ഡയറക്ടര് പി.പരമേശ്വര്ജിയുടെ നവതി ആഘോഷങ്ങളുടെ ഭാഗമായി നവതി ആഘോഷസമിതിയുടെ ആഭിമുഖ്യത്തില് സംസ്ഥാനത്തെ പന്ത്രണ്ട് കേന്ദ്രങ്ങളില് മെയ് ഒന്നിന് ഗീതാ വിചാരസത്രങ്ങള് നടത്തുന്നു. തിരുവനന്തപുരത്ത് രാവിലെ 9.30 ന് കിഴക്കേക്കോട്ട രാജധാനി ഓഡിറ്റോറിയത്തില് ചിന്മയമിഷന് കേരളഘടകത്തിന്റെ അദ്ധ്യക്ഷനായ സ്വാമി വിവിക്താനന്ദ സരസ്വതി വിചാരസത്രം ഉദ്ഘാടനം ചെയ്യും. ഗീതാസ്വാദ്ധ്യായ സമിതിയുടെ അദ്ധ്യക്ഷന് കെ.രഘുനാഥന് നായര് അദ്ധ്യക്ഷത വഹിക്കും. 11.45 ന് ആരംഭിക്കുന്ന വിചാരസഭയില് ഡോ.ലക്ഷ്മി ശങ്കര് ‘ശ്രീമദ് ഭഗവദ്ഗീത യുവജനതയ്ക്കും യുവത്വത്തിനും ‘ എന്ന വിഷയത്തില് പ്രബന്ധം അവതരിപ്പിക്കും. ഉച്ചയ്ക്ക് 2 മണിക്കുള്ള വിചാരസഭയില് ഇന്ത്യന് ഇന്സ്റ്റിട്യൂട്ട് ഓഫ് സയന്റിഫിക് ഹെറിറ്റേജ് ഡയറക്ടര് ഡോ.എന്.ഗോപാലകൃഷ്ണന് ശ്രീമദ് ഭഗവദ്ഗീതയുടെ സമഗ്രമാനവദര്ശനം എന്ന വിഷയത്തില് സംസാരിക്കും. 3.45 ന് ശ്രീമദ് ഭഗവദ്ഗീതയും സാമൂഹിക സമരസതയും എന്ന വിഷയത്തില് പ്രജ്ഞാ പ്രവാഹിന്റെ അഖിലഭാരതീയ സംയോജകന് ജെ.നന്ദകുമാര് സംസാരിക്കും. വിചാരസത്രത്തില് ഒ.രാജഗോപാല് എംഎല്എ, ഡോ.ബി.അശോക് , ആര്.സഞ്ജയന്, പി.അശോക് കുമാര് തുടങ്ങിയവരും സംസാരിക്കും. വിചാരസത്രത്തില് പങ്കെടുക്കുന്നതിനും കൂടുതല് വിവരങ്ങള്ക്കും രജിസ്ട്രേഷനും 0471 2461567, 9447944721, 9539003647 ല് ബന്ധപ്പെടാം.
പ്രതികരിക്കാൻ ഇവിടെ എഴുതുക: