സേവാഭാരതി തുണച്ചു; സഹോദരിമാര്‍ക്ക് ഇനി സ്വന്തം വീട്ടില്‍ തലചായ്ക്കാം

Tuesday 18 April 2017 11:21 am IST

ചവറ: സേവാഭാരതി പ്രവര്‍ത്തകര്‍ തുണച്ചു. ഇനി പാറുവിനും കുഞ്ഞാറ്റക്കും വൈഗയ്ക്കും സ്വന്തം വീട്ടില്‍ തലചായ്ക്കാം. പട്ടത്താനം സൊസൈറ്റി മുക്കിന് സമീപം ചാമക്കാല കിഴക്കേലില്‍ അജേഷ്-അമ്പിക ദമ്പതികളുടെ പതിനാലും പത്തും അഞ്ചും വയസുള്ള പെണ്‍മക്കളാണ് പാറുവും കുഞ്ഞാറ്റയും വൈഗയും. ഇടിഞ്ഞുപൊളിഞ്ഞ കെട്ടുറപ്പില്ലാത്ത ഷെഡിലാണ് കാലങ്ങളായി ഇവര്‍ താമസിക്കുന്നത്. കുടുംബത്തിന്റെ ദുരിതം മനസിലാക്കിയ സേവാഭാരതി പ്രവര്‍ത്തകര്‍ ഇവര്‍ക്കായി വീട് നിര്‍മ്മിച്ച് നല്‍കാന്‍ മുന്നോട്ട് വരികയായിരുന്നു. നാല് മുറികളോടെ നിര്‍മിക്കുന്ന വീടിന് ഏഴുലക്ഷത്തോളം രൂപ ചിലവാകുമെന്നും ഭൂരിപക്ഷം തുകയും പ്രവര്‍ത്തകരില്‍നിന്നും സമാഹരിച്ചതായും മൂന്നുമാസത്തിനുള്ളില്‍ വീടിന്റെ താക്കോല്‍ കുടുംബത്തിന് കൈമാറുമെന്നും ഭാരവാഹികളായ ഡോ.ശ്രീകുമാര്‍, ബാലചന്ദ്രപ്രസാദ്, നന്ദകുമാര്‍, വിനോദ്, ജയറാം, അമൃതാലയം സുരേഷ്, കല്ലേക്കുളം രാജന്‍, ദിലീപ് എന്നിവര്‍ അറിയിച്ചു.

പ്രതികരിക്കാന്‍ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളില്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. വായനക്കാരുടെ അഭിപ്രായങ്ങള്‍ ജന്മഭൂമിയുടേതല്ല.