തിരുവനന്തപുരം: മദ്യം വിഷമാണെന്നുള്ള ശ്രീനാരായണ ഗുരുദേവ വചനം സാക്ഷാത്കരിക്കത്തക്കവിധം കോടതി വിധികളും അനുകൂല നിയമനിര്മ്മാണങ്ങളും അംഗീകരിക്കണമെന്ന് ശ്രീനാരായണ ധര്മ്മസംഘം ട്രസ്റ്റ് ഗുരുധര്മ്മ പ്രചരണ സഭാ കേന്ദ്ര എക്സിക്യൂട്ടീവ് യോഗം ആവശ്യപ്പെട്ടു. ട്രസ്റ്റ് പ്രസിഡന്റ് സ്വാമി വിശുദ്ധാനന്ദ അധ്യക്ഷത വഹിച്ചു.
മദ്യവിതരണം സംബന്ധിച്ച് സമീപകാലത്തുണ്ടായ സുപ്രീംകോടതി വിധി ഏറെ പ്രതീക്ഷ നല്കുന്നതായി യോഗം വിലയിരുത്തി. എല്ലാത്തരം മദ്യങ്ങളും ഒഴിവാക്കുംവിധം പൊതു അഭിപ്രായം രൂപപ്പെടുത്തണമെന്ന് യോഗം ആവശ്യപ്പെട്ടു. ധര്മ്മസംഘം ട്രസ്റ്റ് ജനറല് സെക്രട്ടറി സ്വാമി സാന്ദ്രാനന്ദ, ട്രഷറര് സ്വാമി ശാരദാനന്ദ, ഗുരുധര്മ്മ പ്രചരണസഭാ സെക്രട്ടറി സ്വാമി ഗുരുപ്രസാദ്, രജിസ്ട്രാര് വി.ടി. ശശീന്ദ്രന്, വൈസ് പ്രസിഡന്റ് കെ.കെ.കൃഷ്ണാനന്ദബാബു, എ.എം. സോമനാഥന്, ജോയിന്റ് രജിസ്ട്രോര്മാരായ ഡി. അജിത്കുമാര്, ടി.വി. രാജേന്ദ്രന്, കോര്ഡിനേറ്റര്മാരായ സി.ടി. അജയകുമാര്, കെ.എസ്. ജെയിന്, എക്സിക്യൂട്ടീവ് അംഗം സി. രാജേന്ദ്രന്, മാതൃവേദി പ്രസിഡന്റ് ലൈലാ പുരുഷോത്തമന് തുടങ്ങിയവര് പങ്കെടുത്തു.
പ്രതികരിക്കാൻ ഇവിടെ എഴുതുക: