വാഷിങ്ടണ്: 2000 അടി നീളമുള്ള ക്ഷുദ്രഗ്രഹം ഇന്ന് ഭൂമിക്ക് സമീപത്തു കൂടി കടന്നുപോകും. 2014 ജെ.ഒ.25 എന്നു പേരുള്ള ക്ഷുദ്രഗ്രഹം ഭൂമിക്ക് 18 ലക്ഷം കിലോമീറ്റര് അടുത്തുകൂടെയാവും കടന്നുപോവുകയെന്ന് യു.എസ്. ബഹിരാകാശ ഏജന്സിയായ നാസ അറിയിച്ചു. ഭൂമിക്ക് ഏറ്റവും അടുത്തുകൂടിയാകും കടന്ന പോകുന്നതെങ്കിലും അപകടസാധ്യതയില്ലെന്ന് നാസ ശാസ്ത്രജ്ഞര് പറഞ്ഞു.
ചെറിയ ക്ഷുദ്രഗ്രഹങ്ങള് ഈ അകലത്തിലൂടെ ഭൂമിയെ കടന്നുപോകാറുണ്ട്. എന്നാല്, ഇത്രവലിയ ക്ഷുദ്രഗ്രഹം കടന്നുപോവുന്നത് അപൂര്വമാണെന്ന് നാസ പറഞ്ഞു. ഇത്രയും വലിപ്പമുള്ള ക്ഷുദ്രഗ്രഹം ഇനി 2027-ലേ ഭൂമിയോട് അടുത്തെത്തൂ. 1999എ.എന്.10 ആണത്.
400 വര്ഷം മുമ്പാണ് 2014ജെ.ഒ.25 ആദ്യം എത്തിയത്. ഇന്ന് കടന്ന് പോയാല് പിന്നെ 2600 ല് ഇത് വീണ്ടും എത്തുമെന്നാണ് പറയുന്നത്.
ക്ഷുദ്രഗ്രഹത്തെ നിരീക്ഷിക്കാനായി ലോകത്ത് പലയിടങ്ങളിലായി ദൂരദര്ശനികള് സ്ഥാപിച്ചിട്ടുണ്ട്. സഞ്ചാരപഥത്തിലെ വലിപ്പവും ചന്ദ്രനേക്കാള് ഇരട്ടി തിളക്കവുമാണ് ഇതിനെ തിരിച്ചറിയാന് സഹായിക്കുന്നത്. ചെറിയ ഒപ്റ്റിക്കല് ദൂരദര്ശനിയിലൂടെ ഒന്നോ രണ്ടോ രാത്രികളില് ഇതിനെ കാണാന് സാധിക്കും.
പ്രതികരിക്കാൻ ഇവിടെ എഴുതുക: