തിരുവനന്തപുരം: കൈയേറ്റഭൂമിയിലെ കുരിശ് പൊളിച്ചതില് തെറ്റില്ലെന്ന് സീറോ മലബാര് സഭ. കുരിശിനെ അധിക്ഷേപിച്ചെന്ന് പറയില്ലെന്ന് സീറോ മലബാര് സഭാ വക്താവ് ഫാ. ജിമ്മി പൂച്ചക്കാട്ടില് പറഞ്ഞു.
കുരിശ് പൊളിച്ചുമാറ്റിയതില് തെറ്റില്ല. കുറച്ചുകൂടി മാന്യമായ രീതിയില് നീക്കം ചെയ്യാമായിരുന്നു. സഭയുടെ നിലപാടിന് വിരുദ്ധമായവര് സ്ഥാപിച്ചതാണ് കുരിശ്. എന്നാല്, നീക്കിയ രീതിയില് സാധാരണ വിശ്വാസികള് തെറ്റിദ്ധരിച്ചേക്കാം. കുറച്ചുകൂടി ഭംഗിയുള്ള രീതിയില് ചെയ്യാമായിരുന്നെന്ന് ജിമ്മി പൂച്ചക്കാട്ടില് അഭിപ്രായപ്പെട്ടു.
കുരിശു സ്ഥാപിച്ച സ്പിരിറ്റ് ഇന് ജീസസ് എന്ന സംഘടന കാത്തോലിക്ക സഭയുടെ വിശ്വാസസംഹിതയ്ക്ക് വിരുദ്ധമായ നിലപാടുള്ളവരാണെന്നും അദ്ദേഹം പറഞ്ഞു.
പ്രതികരിക്കാൻ ഇവിടെ എഴുതുക: