വര്ക്കല:. വര്ക്കല നഗരസഭയുടെയും വെട്ടൂര്, ചെറുന്നിയൂര് പഞ്ചായത്തുകളുടെയും അതിര്ത്തി പ്രദേശമായ കെടാവത്തുവിള മരക്കടമുക്കില് ട്രാഫിക് സംവിധാനങ്ങളുടെ അപര്യാപ്തത വാഹനാപകടങ്ങള്ക്ക് കാരണമാകുന്നു. വര്ക്കല നിന്നും കല്ലമ്പലം ഭാഗത്തേക്കുള്ള നിരത്ത് ഇവിടെനിന്നാണ് വേര്തിരിഞ്ഞു പോകുന്നത്. നാല് റോഡുകള് സന്ധിക്കുന്ന ഇവിടെ കൊടും വളവാണ്.
ഈ ജംഗ്ഷനില് ട്രാഫിക് സിഗ്നല് ലൈറ്റുകളോ മറ്റ് സംവിധാനങ്ങളോ ഇല്ലാത്തത് വാഹനങ്ങള് കൂട്ടിമുട്ടി അപകടങ്ങള് ഉണ്ടാക്കുന്നതിന് ഇടയാകുന്നു. വര്ക്കലയില് നിന്നും കല്ലമ്പലം ഭാഗത്ത് നിന്നും വരുന്ന വാഹനങ്ങള് ഇവിടെ നിന്നും തിരിഞ്ഞാണ് ചെറുന്നിയൂര്,അയന്തി ഭാഗങ്ങളിലേക്ക് പോകുന്നത്. യാതൊരു നിയന്ത്രണവും ഇല്ലാതെ അമിതവേഗതയില് വരുന്ന വാഹനങ്ങള് അപകടത്തില്പ്പെടുന്നത് പതിവ് കാഴ്ചയാണ്. ഇവിടെ ട്രാഫിക്ക് സംവിധാനങ്ങള് കാര്യക്ഷമമാക്കണമെന്ന നാട്ടുകാരുടെ ആവശ്യം ശക്തമാണ്.
പ്രതികരിക്കാൻ ഇവിടെ എഴുതുക: