ആലപ്പുഴ: ടി.പി. സെന്കുമാറിനെ ഡിജിപി ആയി പുനര്നിര്ണ്ണയിക്കുന്നത് സംബന്ധിച്ച സുപ്രീംകോടതി വിധി നടപ്പാക്കാന് തയ്യാറാകാത്തതിലൂടെ സംസ്ഥാന സര്ക്കാര് നിയമ സംവിധാനത്തെ വെല്ലുവിളിക്കുകയാണെന്ന് ബിജെപി ദേശീയ നിര്വ്വാഹക സമിതി അംഗം വി. മുരളീധരന്. ബിജെപി ജില്ലാ കമ്മറ്റിയുടെ സമ്പൂര്ണ്ണ യോഗം ഉദ്ഘാടനം ചെയ്യുകയായിരുന്നു അദ്ദേഹം.
സുപ്രീം കോടതി ഉത്തരവ് പാലിക്കാത്ത ഭരണ സംവിധാനം വിഘടനവാദത്തെ പ്രോത്സാഹിപ്പിക്കുന്നതിന് തുല്യമായ പ്രവര്ത്തനമാണ് നടത്തുന്നതെന്നും അദ്ദേഹം ആരോപിച്ചു.
ജില്ലാ പ്രസിഡന്റ് കെ. സോമന് അദ്ധ്യക്ഷനായി. മേഖലാ പ്രസിഡന്റ് വെള്ളിയാകുളം പരമേശ്വരന്, സംഘടനാ സെക്രട്ടറി എല്. പത്മകുമാര്, ജില്ലാ ജനറല് സെക്രട്ടറി ഡി.അശ്വനീ ദേവ്, ജില്ലാ വൈസ് പ്രസിഡന്റുമാരായ പി.കെ. വാസുദേവന്, കൊട്ടാരം ഉണ്ണികൃഷ്ണന്, ഡി. പ്രദീപ്, പാലമുറ്റത്ത് വിജയകുമാര്, സുഷമ വി. നായര്,
ജില്ലാ സെക്രട്ടറിമാരായ എം.വി. ഗോപകുമാര്, ടി. സജീവ് ലാല്, എല്.പി. ജയചന്ദ്രന്, ഗീതാരാംദാസ്, സുമി ഷിബു, ശ്യാമളാ കൃഷ്ണകുമാര്, ജില്ലാ ട്രഷറര് കെ.ജി. കര്ത്ത, മോര്ച്ചാ പ്രസിഡന്റുമാരായ ശാന്തകുമാരി, എം.വി. രാമചന്ദ്രന്, രാജന് കെ. മാത്യു തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: