ചാരുംമൂട്: സിപിഎമ്മിലെ കൊഴിഞ്ഞു പോക്ക് തടയാന് താമരക്കുളം പഞ്ചായത്തില് സിപിഎം വ്യാപക സംഘര്ഷത്തിന് ശ്രമം. ഇതിന്റെ ഭാഗമായി നെടിയാണിക്കല് ക്ഷേത്ര ഉത്സവദിവസം രാത്രി ഗാനമേള കേട്ടുകൊണ്ടിരുന്ന കിഴക്കേമുറിയില് ജെ.എം. ക്വാര്ട്ടേഴ്സില് മഹേഷിലെ സിപിഎമ്മുകാര് തലയ്ക്ക് വെട്ടി പരിക്കേല്പ്പിച്ചു.
ഈ കേസില് സിപിഎം ഡിവൈഎഫ്ഐ പ്രവര്ത്തകരായ താമരക്കുളം പച്ചക്കാട് രഞ്ചന്, പ്രമോദ്, രാകേഷ് എന്നിവരെ നൂറനാട് പോലീസ് അറസ്റ്റു ചെയ്തിരുന്നു. ഭരണസ്വാധീനം ഉപയോഗിച്ച് പ്രതികളെ സംരക്ഷിക്കുന്ന രീതിയിലാണ് വാര്ഡ് മെമ്പര് അടക്കമുള്ള സിപിഎമ്മുകാര് ചെയ്യുന്നത്. കഴിഞ്ഞദിവസം രാത്രി കിഴക്കേമുറി മോഹനവിലാസം സുഭാഷിന്റെ വീടിനു മുന്നില് സിപിഎം വാര്ഡ് മെമ്പറിന്റെ നേതൃത്വത്തിലുള്ള സംഘം വടിവാള്, സോഡാകുപ്പികള്, മറ്റ് മാരകായുധങ്ങള് എന്നിവയുമായി എത്തി പ്രദേശമാകെ ഭീകരാന്തരീക്ഷം സൃഷ്ടിച്ചു.
നാടിന്റെ സമാധാന അന്തരീക്ഷം തകര്ക്കാന് ശ്രമിക്കുന്ന സിപിഎമ്മുകാര്ക്കെതിരെ നിയമനടപടികള് സ്വീകരിക്കണമെന്ന് നാട്ടുകാര് ആവശ്യപ്പെട്ടു.
പ്രതികരിക്കാൻ ഇവിടെ എഴുതുക: