കാഞ്ഞങ്ങാട്: എന്ഡോസള്ഫാന് ദുരിതബാതിതര്ക്കായി സംസ്ഥാന സര്ക്കാര് പതിച്ചു നല്കിയ പെരിയയിലെ അഞ്ച് ഏക്കര് സ്ഥലത്ത് ശ്രീ സത്യസായി ഓര്ഫനേജ് ട്രസ്റ്റിന്റെ ആദ്യ ടൗണ്ഷിപ്പ് സത്യസായി ഗ്രാമം കേരള ഗവര്ണ്ണര് റിട്ട. ജസ്റ്റിസ് പി.സദാശിവം നാടിന് സമര്പ്പിച്ചു. ട്രസ്റ്റിന്റെ സായിപ്രസാദം പദ്ധതിയില് ഉള്പ്പെടുത്തി ഓരോ എന്ഡോസള്ഫാന് ദുരിതബാതിത കുടുംബത്തിനും സംസ്ഥാന സര്ക്കാര് പതിച്ചു നല്കിയ പത്തു സെന്റ് സ്ഥലത്ത് അഞ്ഞൂറ് ചതുരശ്ര അടിയുള്ള 36 വീടുകള് നിര്മ്മിച്ചിട്ടുണ്ട്. കുടിവെള്ള പദ്ധതി, ബഡ്സ് സ്കൂള്, ആയൂഷ് ഹോളിസ്റ്റിക്ക് സെന്റര്, ചില്ഡ്രന്സ് പാര്ക്ക് ആംഫി തീയേറ്റര് പാര്ത്ഥനാ മുറി തുടങ്ങിയവ ടൗണ്ഷിപ്പില് ഉല്പ്പെടുത്തിയിട്ടുണ്ട്. പെരിയ, എണ്മകജെ, കോടോം ബേളൂര് എന്നീ മൂന്ന് ടൗണ്ഷിപ്പുകളിലായി 108 വീടുകളും അനുബന്ധ സൗകര്യങ്ങളുമാണ് ട്രസ്റ്റ് തയ്യാറാക്കുന്നത്. ചടങ്ങില് മന്ത്രി ഇ.ചന്ദ്രശേഖരന് അദ്ധ്യക്ഷത വഹിച്ചു. കെ.കുഞ്ഞിരാമന് എംഎല്എ മുഖ്യപ്രഭാഷണം നടത്തി. പുല്ലൂര് പെരിയ ഗ്രാമപഞ്ചായത്ത് പ്രസിഡന്റ് ശാരദ.എസ്.നായര്, വിവിധ രാഷ്ട്രീയ കക്ഷി പ്രതിനിധികളായ മടിക്കൈ കമ്മാരന്, ഹക്കീം കുന്നില്, അഡ്വ. കെ.മധുസൂദനന്, നസീര് വെലിയില്, എം.എസ് ഷാജി, കെ.സി.ഷിജു തുടങ്ങിയവര് പങ്കെടുത്തു. സായിട്രെസ്റ്റ് എക്സിക്യൂട്ടീവ് ഡയറക്ടര് കെ.എന്.ആനന്ദകുമാര് സ്വാഗതവും സീനിയര് വൈസ് ചെയര്മാന് കെ.ഗോപകുമാരന് നായര് നന്ദിയും പറഞ്ഞു. ട്രസ്റ്റിന്റെ കീഴില് 150 കോടി രൂപ ചെലവില് 3 ലക്ഷം സ്ക്വയര്ഫീറ്റില് നിര്മ്മിക്കുന്ന ആശുപത്രി നിര്മ്മാണത്തിലേക്ക് 25 ലക്ഷം രൂപയുടെ ചെക്ക് മണികണ്ഠന് മേലത്ത് കൈമാറി.
പ്രതികരിക്കാൻ ഇവിടെ എഴുതുക: